Philippi 3:7 - Hawaii Pidgin Bible

⁷ But you know wat? No matta I wen tink all dat stuff do me plenny good, now I figga all dat stuff ony wase time! Cuz I stay tight wit Christ now az why.

Philippi 3:7 ပူးပေါင်းရင်းမြစ်များ

Start 19:17

Afta dey get um outside da town, one a da angel messenja guys tell Lot, “Run away some place wea you no goin mahke! No look behind you! No stay nea da towns. Run away mauka side cuz goin be good ova dea. No good Da One In Charge blow you away too!”

Start 19:26

But Lot wife, she look behind her, an right den an dea she come salt rock, all hard jalike one pos.

Job 2:4

Da One Dat Stay Agains God tell Da One In Charge, “Peopo let dea skin get hurt litto bit fo dem keep dea whole skin! But peopo goin give eryting dey get fo dem stay alive!

Smart Guys 13:8

Da rich guys get plenny silva fo pay anybody dat like kill um, But da guys dat no mo notting, Dey no need bodda bout dat kine problem.

Smart Guys 23:23

Go learn wass true, jalike you buying um. But no throw way wass true, jalike you selling um. Learn how fo know wat fo do erytime, An how fo live da way you suppose to live, An how fo undastan stuff.

Teacha 3:6

One time fo look fo someting An one time fo give up look fo someting. One time fo keep An one time fo throw way.

Matthew 16:26

Poho fo one guy get eryting inside dis world, but da guy end up cut off from God foeva, an no mo da real kine life inside. You tink you rich enuff fo buy back yoa life?

Mark 10:50

He jump up an throw down his coat, an go by Jesus.

Luke 14:26

“Whoeva come by me, an get mo love an aloha fo dea faddah an muddah, dea wife an kids, dea braddahs an sistahs—an even fo ony dem, if az mo den dey get love an aloha fo me, dey no can be my guy.

Luke 14:33

Jesus tell, “Same ting. You guys no can be my guys if you no give up eryting you get.”

Luke 16:8

No matta da luna no do wass right befo time, da boss talk good to him now bout dis smart ting he wen do. You know, da peopo dat stick wit dis world mo smart wit money kine stuff den da peopo dat stick wit da light.

Jesus Guys 27:38

Wen dey eat all da stuff dey like, dey throw da wheat inside da ocean an make da boat mo light.

Hebrews 11:26

He figga az mo betta come shame cuz he stay trus da Spesho Guy God Goin Sen bumbye, den get all da rich kine stuffs dat get inside Egypt. Cuz he stay shua dat God goin pay him back good kine.