Philippi 3:17 - Hawaii Pidgin Bible

¹⁷ Eh, my braddahs an sistahs! Help each odda ack how I ack. Get odda guys dat do jalike I do. Make jalike dem guys too. You guys get all us guys fo copy fo you guys do jalike us do.

Philippi 3:17 ပူးပေါင်းရင်းမြစ်များ

Songs 37:37

Go check out da peopo dat do good! Look da peopo dat do da right ting! Cuz God goin make eryting go good Fo dose peopo, Dea ohana goin stay fo long time.

Rome 16:17

My braddahs an sistahs, I get one mo ting fo tell you guys: Watch out fo da kine peopo dat try hard fo make you guys go agains each odda fo split you up, an try fo make you guys do bad kine tings! Da stuff dey tell you guys stay agains da tings us guys wen teach you. So, no go hang aroun dat kine peopo!

1 Corint 10:32

No go jam up nobody—da Jew guys, o da peopo dass not Jews, o da church peopo dat come togedda fo God.

1 Corint 11:1

An you guys, go copy me, jalike how I stay do. Cuz I stay try fo copy Christ, jalike he wen do.

1 Corint 4:16

So I beg you guys fo make jalike me.

Philippi 4:9

Eryting you guys wen learn from me, eryting I wen give you guys, eryting you wen see an hear wen I was wit you guys—go do um! Den, da God dat can make you guys so notting bodda you, he goin stay wit you guys.

1 Tessalonika 1:6

An you guys wen start fo copy how us guys ack, an how Da One In Charge ack. You guys wen trus da tings we wen tell you guys. An no matta you guys stay suffa plenny, da Good An Spesho Spirit wen help you guys stay good inside.

2 Tessalonika 3:14

Now, if get one guy dat no like lissen da stuff we stay telling you in dis letta, watch out fo dat guy. Stay away from him. Bumbye he goin come shame.

2 Tessalonika 3:7

You guys know dat you gotta do jalike us guys wen do. We neva was lazy dat time we wen stay wit you.

2 Tessalonika 3:9

Yeah, us guys had da right fo tell you guys fo give us da stuff we need, but we neva like do dat. We wen like show you guys how us guys do eryting fo you guys learn fo make jalike us.

1 Timoty 4:12

No let nobody give you attitude jus cuz you mo young den dem, but make good fo da peopo dat trus God fo show dem how fo ack—how you talk, how you ack, how you get love an aloha fo da peopo, how you trus God, an how clean you stay inside.

Hebrews 13:7

Tink bout yoa leada guys. Dey da ones dat wen tell you guys wat God tell. Tink plenny bout da way dey live, an da stuff dat happen cuz a dat. An ack jalike dem, da way dey trus God.

1 Peter 5:3

No try make jalike one big boss ova da peopo God wen give you, but show dem how fo live.