Philippi 3:15 - Hawaii Pidgin Bible

¹⁵ You know, all us guys dat stay grow up an solid inside, good us all tink an feel da same way. If you guys tink diffren, God goin show you how you suppose to tink.

Philippi 3:15 ပူးပေါင်းရင်းမြစ်များ

Isaiah 35:8

Dat place, one build up road goin stay ova dea. Peopo goin call um “Da Road Fo Go By Da God Dat Stay Good An Spesho.” Goin be fo da peopo dat stay tight wit God. Da peopo dat do bad kine stuff dat make um so dey no can pray, Dey no can go on dat road. But anybody dat go dat way, Even da stupid ones, Dey no goin get lost.

Matthew 5:48

All da time you gotta go all out fo be good, jalike yoa Faddah in da sky, he erytime go all out fo be good.”

Luke 11:13

Eh, even if you guys bad peopo, you know how fo give good kine stuff to yoa kids. Fo shua den, yoa Faddah inside da sky, he erytime good, an he goin give his Good An Spesho Spirit to you guys cuz you go aks him fo um.”

John 6:45

Da guys dat wen talk fo God long time befo time, dey write, ‘God goin teach all da peopo.’ Erybody dat lissen da Faddah, an learn da good kine stuff from him, dey goin come by me an be my guys.

John 7:17

If anybody like do wat God like um fo do, dey goin know if da stuff I stay teach come from God, o if ony come from my head.

Rome 15:1

You know, us guys dat stay strong inside, us gotta kokua da peopo dat no stay strong enuff inside fo handle all da stuff dat happen. No good we ony do da tings dat make us guys stay good inside.

1 Corint 14:20

Eh, my braddahs an sistahs! No go tink jalike small kids no moa! (Fo do da bad kine stuff, shua! Ack jalike bebes! Cuz da bebes, dey donno how fo do bad kine stuff.) But fo undastan wass da main ting, you gotta grow up!

1 Corint 2:6

Fo shua, wen us guys talk to da peopo dat stay solid inside, we teach um wat fo do erytime. But we no teach da same kine stuff da peopo inside da world stay teach nowdays bout wat fo do erytime, o da smart kine stuff da leada guys tink dass smart. (Dem leada guys, dey all goin come wipe out, you know.)

Galatia 5:10

Cuz I trus Da One In Charge, I stay shua dat you guys no goin tink anodda way. But da buggahs dat stay bodda you guys, God goin punish dem, no matta who dem.

Efesus 1:17

Dis how I pray erytime: “God, you da Faddah fo Da One In Charge a us guys, Jesus Christ. You oua Faddah, an you stay awesome! I like fo you help da Efesus peopo fo know inside wat fo do. An show dem plenny bout Christ, fo dem know him mo betta.

Colosse 1:28

We stay tell erybody bout Jesus. We tell dem how dey gotta live. An we use eryting us know fo teach dem, fo dem come mo strong inside cuz dey go all out fo stay tight wit Christ.

Colosse 4:12

Epafras, da odda guy from Colosse, he like tell you guys “Aloha!” too. He one worka fo Christ Jesus. He erytime pray hard fo you guys, fo you guys come mo solid inside an know fo shua wat God like you guys fo do.

1 Tessalonika 4:9

You guys no need fo me write you guys bout how fo show love an aloha fo yoa braddahs an sistahs. Cuz God wen teach you guys dat awready.

2 Timoty 3:17

So from wat dey wen write, da peopo dat stay all out fo God can get eryting dey need fo do all kine good kine stuff.

Hebrews 5:14

An wat dat mean, “handle da solid stuff”? Dat kine stuff fo da grown up kine peopo. Dey jalike da ones dat work out all da time fo come mo strong. Dey do good kine stuff erytime an no do bad kine stuff. Dass how dey know how fo figga wass good an wass no good.

1 John 2:5

But whoeva do wat God tell um fo do, dey show dey get plenny love an aloha fo God. Da love an aloha stay come good to da max inside dem. Dass how we know we stay tight wit God.