Philippi 1:20 - Hawaii Pidgin Bible

²⁰ I stay waiting real good fo dat fo happen. I stay shua dat notting goin make me come shame. I goin be strong, an I no goin come sked. Erytime peopo see wat happen to me, jalike befo time, I like dem see how awesome Christ stay, jalike befo time, no matta I stay alive o I mahke.

Philippi 1:20 ပူးပေါင်းရင်းမြစ်များ

Songs 119:116

Help me fo no fall down, Jalike you wen promise fo do, So I no mahke! I stay wait fo you get me outa trouble, So I no come shame.

Songs 119:80

Den I goin go all out Fo do wat you tell I gotta do. Cuz a dat, I no goin come shame.

Songs 25:2

You da God fo me! I stay trus you. So, no let me come shame. Da peopo dat stay agains me, No let um win ova me An feel good cuz a dat!

Songs 62:5

Inside, I stay quiet, wait ony fo God. God da ony one I stay wait fo, Cuz I know he goin do someting.

Smart Guys 10:28

Da peopo dat stay do da right ting, Dey shua good stuff goin happen, Fo dem stay good inside. All da stuff da bad peopo like happen, Bumbye dey figga out, no goin happen.

Smart Guys 23:18

Cuz fo shua, bumbye, Wen you come ol, yoa life goin be good. Da tings you stay wait fo get, You know you goin get um.

Isaiah 45:17

But you Israel peopo, you goin get outa trouble Cuz you stay tight wit Da One In Charge. An da way he get you outa trouble, goin be foeva! You no goin get shame, An nobody goin make you come shame no moa, foeva!”

Isaiah 50:7

Da One In Charge a me, He da One help me. Dass how come I no come shame Cuz a wat dey do. Dass why I stick wit wat I goin do, An I no goin change my mind. I stay shua dat I no goin come shame.

Isaiah 54:4

“Eh my peopo! No sked, cuz you no goin come shame no moa. Cuz nobody goin make you come shame. Jalike da wahine dat no mo her kids, But now she get um, She foget her was shame Befo time wen her was young. Jalike she goin foget How bad peopo wen make her feel Wen her no mo husban.

John 21:19

(Jesus talk lidat fo tell Peter wat goin happen bumbye, how Peter goin mahke fo show how awesome God stay.) Den Jesus tell um, “Stay tight wit me an be my guy.”

Jesus Guys 20:24

But den, fo me, fo stay alive, dass notting. I ony like do eryting Da One In Charge, Jesus, tell me fo do to da end. He tell me fo tell erybody da Good Stuff bout how plenny good tings God do fo us.

Jesus Guys 21:13

Den Paul tell, “How come you stay crying an make me come sad? I stay ready fo get all tie up, an even fo mahke inside Jerusalem, fo show how awesome Da One In Charge stay, az Jesus.”

Jesus Guys 4:31

Wen dey pau pray, da place wea dey stay togedda shake. An da Good An Spesho Spirit take ova all dem. Dey tell da tings God tell wit powa, an dey no come sked.

Rome 12:1

My braddahs an sistahs, so den, wat? God, he give you guys plenny chance. Az why I like tell you dis: Let God stay in charge a you, jalike you give God one sacrifice dat stay alive. You guys know wat God like fo you guys do? He like you guys go all out fo him. Wen you make lidat, az good you know, cuz dass how you show God love an respeck.

Rome 5:5

Wen us guys stay shua dat God goin do all dis fo us, we no need worry notting. Cuz us guys get da Good An Spesho Spirit God wen give us, dat make us feel inside how plenny love an aloha he get fo us guys.

Rome 6:13

An no make notting inside you do stuff dat no stay right cuz dass bad. Mo betta you let God make you do wat he like you fo do. Cuz jalike you mahke awready an now you stay alive one mo time fo real kine. Use all yoa body fo do da kine stuff you suppose to do fo God.

Rome 6:19

I talk lidis cuz you guys undastan bout slaves. Cuz inside, you guys no stay strong. Befo time, jalike you guys da kine peopo dat force peopo fo do ony pilau kine stuff, jalike you slaves. An you force peopo fo broke da Rules from God, jalike you slaves. Az how you guys was. But now, you guys go fo broke fo come da kine peopo dat do ony wass right. Dat goin make you guys come good an spesho fo God.

Rome 8:19

All da tings God wen make, jalike dey no can wait fo someting good fo happen. Dey no can wait fo see God show erybody how proud he stay bout his kids.

1 Corint 15:31

Same ting, ery day I stay shua dat I no sked mahke fo you! But I swea to God, my braddahs an sistahs, no bodda me if I mahke. I real proud a you guys, you know, cuz I stay tight wit Da One In Charge a us guys, Jesus Christ, da Spesho Guy God Wen Sen.

1 Corint 6:20

Christ wen pay one high price fo you guys. So, show respeck fo yoa body da way you ack, an dass goin show dat you get respeck fo God.

1 Corint 7:34

He get two diffren kine tings fo tink bout. Same ting, da wahine dat no mo husban an da wahine dat not married, dey get mo time fo tink bout Da One In Charge, how fo dem go all out fo him, dea spirit, dea body, eryting. But da married wahine gotta tink bout da stuff inside da world too. Az why she no can tink good, cuz she like do good fo her husban, an same time tink bout Da One In Charge.

2 Corint 10:8

I no shame fo talk big to erybody dat Da One In Charge wen give us guys da right fo make you guys come strong inside, an no wipe out you guys.

2 Corint 3:12

All us guys know fo shua dat da New Deal from God goin stay foeva. Az why we no shame fo talk fo real kine bout dis Deal.

2 Corint 4:10

Da way us guys suffa an get bus up ery place us guys go, show how plenny Jesus wen suffa wen he mahke. So wen us guys suffa, dat show dat Jesus still stay alive now.

2 Corint 5:15

Christ wen mahke fo erybody. Az how come da peopo dat stay alive fo real kine no do stuffs fo ony dem no moa. Dey do eryting ony fo Christ, da Guy dat wen mahke fo dem an wen come back alive.

2 Corint 7:14

I wen tell Titus good tings bout you guys, an you guys neva make me shame. Jalike eryting we wen tell you guys stay true, same ting, all da good kine stuff we tell Titus bout you guys stay true too.

2 Corint 7:4

I no need worry notting cuz I trus you guys fo real kine. I talk big bout you guys. You guys kokua me plenny. No matta us guys get all kine trouble, but still yet I feel real good inside.

Philippi 1:14

An cuz I stay in prison, mos a my odda braddahs an sistahs dat stay tight wit Da One In Charge, dey stay come mo an mo shua bout wat dey stay do. Now dey get da guts fo tell peopo wat God tell, an no need come sked.

Philippi 2:17

Da way you guys trus God, he like dat. Dass jalike you stay make one spesho sacrifice fo him. Same ting wit me—even if da odda peopo make me bleed an mahke, dass jalike fo pour wine on top da sacrifice you guys stay make. I goin feel real good inside bout dat, an bout wat stay happen wit you guys too!

Colosse 1:24

Christ wen suffa plenny, an right now I stay suffa plenny too. But no matta I suffa, I stay plenny good inside. If still yet get peopo dat gotta suffa, I like be da one fo suffa plenny fo dem. Az jalike how Christ wen suffa cuz dey stay inside Christ ohana, you know, da church.

1 Tessalonika 5:23

Kay den, God, he make us guys come so notting bodda us. I like God make you guys come good an spesho fo him; an make you guys stay clean inside—spirit, heart, body, eryting! Den nobody can poin finga you, from now till Da One In Charge a us guys, Jesus Christ, come back.

1 Peter 4:16

But whoeva suffa cuz dey Christ Guy, dey no need come shame cuz a dat. Show erybody how awesome God stay, da way you suffa jalike him.

1 John 2:28

So now, my good frenz, stay tight wit Jesus. Den wen he come back, us no need come sked o shame in front him.