Outa Egypt 7:4 - Hawaii Pidgin Bible

⁴ Da Pharaoh guy, he still yet no goin lissen you guys. Den I goin use my powa agains da Egypt peopo. I goin get my peopo outa da Egypt land. All you Israel peopo, you goin go out togedda, jalike you one army. Same time, I goin do plenny fo punish da Egypt peopo big time.

Outa Egypt 7:4 ပူးပေါင်းရင်းမြစ်များ

Outa Egypt 10:1

Da One In Charge tell Moses, “Go back by da Pharaoh guy. I da one wen make um fo him no tink good, him an his palace guys. I stay do dat fo me still do all dis awesome kine tings dat I stay do right dea in front dem, an make shua dey know dat I stay fo real.

Outa Egypt 11:9

Anodda ting Da One In Charge tell Moses same time, “Da Pharaoh guy, he still no goin lissen you guys. Dass fo me make mo plenny awesome proof fo show who me still yet hea inside dis Egypt land.”

Outa Egypt 12:51

Dat same day, Da One In Charge take da Israel peopo outa da Egypt land, jalike dey one army.

Outa Egypt 13:3

Den Moses tell da peopo dis: “No foget dis day! Dis da day you guys go outa Egypt, da place wea you guys was slaves. No foget how Da One In Charge wen use his powa fo get you guys outa hea. Dis same day ery year, no eat bread dat get yeast inside.

Outa Egypt 13:9

“Dis ting dat you do, goin be jalike one mark on top yoa hand fo help you no foget. Goin be jalike someting you tie on top yoa forehead fo help you no foget notting. Dass so you goin talk foeva bout da Rules from Da One In Charge, cuz Da One In Charge wen use his powa fo you guys come outa Egypt.

Outa Egypt 18:8

Den Moses tell his faddah-in-law eryting Da One In Charge wen do to da Pharaoh guy an da Egypt peopo fo help da Israel peopo. He tell um all da trouble dey get afta dey go outa Egypt, an how Da One In Charge get dem outa all dat.

Outa Egypt 3:19

“ ‘I know get ony one way Pharaoh da king fo Egypt goin let you guys go—gotta get somebody mo strong den him fo put presha on him.

Outa Egypt 3:20

Az why I goin wack da Egypt peopo wit my strong hand. I goin do all kine awesome stuff to da Egypt peopo, right dea wea dey stay. Afta dat, da king guy goin make you guys go way.

Outa Egypt 6:1

Da One In Charge tell Moses: “Now, time awready. You goin see wat I goin do to da Pharaoh guy. Cuz I get mo powa den him, he goin make da peopo go way. Cuz I get da powa fo put presha on him, he goin throw da peopo outa his land!”

Outa Egypt 6:26

Dis Aaron an Moses guys I stay writing bout hea, dey da same ones Da One In Charge wen tell, “Go take da Israel peopo outa da Egypt land, wit ery ohana all togedda same place, jalike one army.”

Outa Egypt 6:6

So den, go tell da Israel peopo dis: Me, Da One In Charge. I goin take you guys away from da hard work dat da Egypt peopo make you guys do. Dey make you guys bus ass fo dem, but I goin get you guys outa all dat. I mo strong den da Egypt peopo, an I goin bus um up. I da judge, so I goin punish dem plenny.

Outa Egypt 7:13

Still yet, da Pharaoh guy stay hard head, an he no lissen Moses an Aaron, jalike Da One In Charge wen tell befo time.

Outa Egypt 7:16

Den, tell da Pharaoh guy, ‘Da One In Charge, da God fo da Hebrew peopo, he tell me fo come by you fo tell you dis: “Let my peopo go way from hea, fo dem make da trip fo make one religious kine ceremony fo me inside da boonies.” But you, befo now, you no lissen.’

Outa Egypt 8:15

But wen da Pharaoh guy see dat eryting come good, he come hard head one mo time. He no lissen Moses an Aaron, jalike Da One In Charge wen tell befo time.

Outa Egypt 8:19

Da Egypt pries guys, dey tell Pharaoh, “Eh! Dass God stay do all dis!” But da Pharaoh guy, he still yet stay hard head an no lissen Moses an Aaron, jalike Da One In Charge wen tell befo time.

Outa Egypt 9:12

But Da One In Charge still yet make da Pharaoh guy hard head. He no lissen dem, jalike Da One In Charge wen tell Moses befo time.

Outa Egypt 9:3

den Da One In Charge goin use his powa fo make yoa animals inside da fields come real sick—da horses, da donkeys, da camels, da cows, da sheeps an goats.

Smart Guys 19:29

God stay ready fo punish Da kine buggahs dat no mo respeck fo nobody Cuz dey tink dey mo smart! He get one whip fo wack Da kine dumb buggahs dat no like learn notting.

Isaiah 26:9

All nite, I fo real kine tink bout you. An morning time, I go all out Fo know you fo real kine. Cuz wen you judge peopo an punish dem, Den peopo all ova da world Goin learn fo do wass right.

Sad Song 3:3

Fo shua, Da One In Charge stay go agains me Erytime, all day.

Ezekiel 14:21

“Cuz dis wat me Da One In Charge, da Boss, tell: Fo shua, goin be mo worse fo da peopo inside Jerusalem wen I sen da four bad kine tings agains dem cuz I da Judge: war, no mo food, wild kine animals, an da real bad kine sick. Den da peopo an dea animals goin mahke.

Ezekiel 25:11

An I goin punish da Moab peopo. Den dey goin know dass me Da One In Charge do all dat.

Ezekiel 30:14

I goin wipe out da peopo from da Nile Riva valley makai from Aswan to Memphis town. I goin burn down Zoan town. I goin punish da peopo dat live Thebes town.

Ezekiel 30:19

Az how I goin punish da Egypt peopo plenny. Den dey goin know dass me Da One In Charge do all dat.’ ”

Jesus Show 15:4

You Da One In Charge, An erybody goin get respeck fo you An tell how awesome you stay. Cuz you mo spesho an good den all da peopo. All da diffren peopos from all ova da world goin come, An show you love an respeck. Cuz dey wen see all da good an right tings You wen do!”

Jesus Show 16:7

Den I hear one voice from da altar tell, “Az right! You Da One In Charge, Da God Dat Get All Da Powa. You da Judge. An eryting you do, you do um right An tell da trut.”

Jesus Show 19:2

God, he da Judge. He ony tell da trut, An do wass right! He wen punish da big hoa Cuz she wen make da peopo inside da world Do real bad kine stuff, jalike her. He wen punish her Cuz she wen kill da peopo dat work fo God.”

Local Leadas 2:15

Weneva da Israel peopo go out fo fight, Da One In Charge stay agains dem fo dem no win, jalike he wen make one strong promise befo time fo go agains dem.