Outa Egypt 7:3 - Hawaii Pidgin Bible

³ But firs I goin make da Pharaoh guy come hard head. Even me, I goin do plenny awesome tings fo erybody see hea inside da Egypt land.

Outa Egypt 7:3 ပူးပေါင်းရင်းမြစ်များ

Nehemiah 9:10

You wen do awesome kine tings fo show who you, Tings dat blow oua mind, Fo hurt Pharaoh an all his helpa guys An all da odda peopo inside his land. Cuz you know, Dey ack jalike dey mo betta den anybody An make any kine to oua ancesta guys. Da awesome tings you wen do dat time, Make you get one awesome name still yet today.

Songs 135:9

Da One In Charge wen do Awesome kine tings Fo show who him. He wen make miracles In da middo a da Egypt peopo, In front a da Pharaoh guy, An all da peopo dat work fo him.

Songs 78:12

God wen do plenny tings In front dea ancesta guys, Tings dat wen make dea jaw drop, Ova dea Egypt side, aroun Zoan town.

Outa Egypt 11:10

Moses an Aaron show all kine awesome proof in front da Pharaoh guy fo him know az God stay do um. Still yet, Da One In Charge make da Pharaoh guy hard head. Dass why he no like let da Israel peopo go way from his land.

Outa Egypt 11:9

Anodda ting Da One In Charge tell Moses same time, “Da Pharaoh guy, he still no goin lissen you guys. Dass fo me make mo plenny awesome proof fo show who me still yet hea inside dis Egypt land.”

Outa Egypt 14:4

I goin make da Pharaoh guy come hard head, so he goin like go afta you guys. Wen he do dat, I goin use da Pharaoh guy an all his army guys fo show erybody how awesome I stay. Da Egypt peopo goin find out dat me Da One In Charge fo real kine!” So da Israel peopo do wat God tell um fo do.

Outa Egypt 3:20

Az why I goin wack da Egypt peopo wit my strong hand. I goin do all kine awesome stuff to da Egypt peopo, right dea wea dey stay. Afta dat, da king guy goin make you guys go way.

Outa Egypt 4:21

Den Da One In Charge tell Moses, “Wen you get back dea Egypt side, make shua you show um all da awesome proofs dat I wen give you da powa fo do. Do um in front da Pharaoh guy. But I goin make him come hard head, so he no goin let go da peopo.

Outa Egypt 4:29

From dea, Moses an Aaron hele on back to Egypt. Wen dey get dea, dey tell all da older leada guys fo da Israel peopo fo come togedda.

Outa Egypt 4:7

Den God tell, “Now, put yoa hand inside yoa shirt one mo time.” Moses put his hand back inside da shirt. Wen he pull um out, da skin come back regula kine, jalike his regula skin.

Outa Egypt 7:13

Still yet, da Pharaoh guy stay hard head, an he no lissen Moses an Aaron, jalike Da One In Charge wen tell befo time.

Outa Egypt 9:16

So, how come I stay let you live, aah? Az fo make you see dat I get all da powa, az why! Cuz I like make da peopo all ova da world know who me fo real kine.

Smart Guys 21:1

Wen one king guy gotta make up his mind wat fo do, Da One In Charge, he da One Stay in charge a wat da king pick. Az jalike da guy in charge a da watta ditch. He make da watta go wea eva he like make um go.

Isaiah 51:9

Isaiah tell, “Wake up! Wake up, Da One In Charge! Make ready fo use yoa powa! Wake up, jalike you wen do long time befo time, Da time oua ancesta guys wen live. Dat time, you wen kill da Egypt army guys Wen dey come afta oua ancesta guys, Jalike you wen stab Rahab da dragon, An chop um up!

Micah 7:15

Den Da One In Charge tell: “I goin show you guys awesome kine stuff I goin do, Jalike da time you guys wen come outa Egypt.

John 4:48

Jesus tell him, “If you guys no see me show you all kine awesome stuff, you guys no like trus me.”

Jesus Guys 2:22

“Eh, you guys from da Israel ohana, lissen! I like tell you bout Jesus, da guy from Nazaret town. God show dat Jesus fo real, cuz God give him powa, an he do all kine awesome stuff dat show who him. An you guys know dis fo real kine, cuz he do um right hea by you guys.

Jesus Guys 7:36

Moses bring da peopo outa Egypt an show dem awesome stuff wit powa Egypt side, an by da Red Sea, an in da boonies fo forty year.

Rome 15:19

Christ wen give me da powa from God Spirit fo do awesome kine stuff. He do dat fo show who Christ stay. Dass how I tell all da Good Kine Stuff Bout Christ to all da peopo from Jerusalem side all da way to Illyricum side.

Rome 9:18

So den, if God like give one guy chance, dass wat he goin do. An if he like make one guy hard head, az wat he goin do too.

Rules Secon Time 4:34

No mo any odda god eva dat wen take his peopo outa da land wea odda peopo stay! God wen make da Egypt peopo suffa fo tes um. He show how strong him wen he make dem come sick. He do unreal tings, an make war, an show his powa an do plenny real awesome an unreal kine stuff. Dass wat yoa God, Da One In Charge, wen do fo you guys Egypt side, an you guys see um happen!

Rules Secon Time 7:19

You guys wen see how oua God, Da One In Charge, wen make da Egypt peopo suffa. He show how strong him, an he make happen plenny awesome tings. He use his strong powa fo take you guys outa dea. An now, oua God, Da One In Charge, goin do da same ting to all da peopos dat stay make you guys come sked now.