Outa Egypt 2:3 - Hawaii Pidgin Bible

³ But den she no can hide um no moa. She get one basket, da kine dey make from da tall papyrus reed plants dat grow inside da riva nex to da land. She put sticky kine black stuff all ova da basket fo da watta no come inside. She put da bebe inside da basket. Den she put um inside da Nile Riva wea get plenny reed plants inside da watta.

Outa Egypt 2:3 ပူးပေါင်းရင်းမြစ်များ

Start 11:3

Erybody tell dea frenz: “Eh, we go make brick fo house, da kine you put inside da fire fo make um come real hard.” Ova dea dey use brick cuz no mo rock, an dey ony get da tar dat come outa da groun fo make da brick stuck togedda, cuz no mo da right kine mud ova dea.

Start 14:10

All ova inside da Siddim Valley, had plenny puka wea da tar come outa da groun. Afta da army guys start fo fight, da ones from Sodom an Gomorrah an dea king guys run away from da Babylon army guys. Had some a da Sodom an Gomorrah guys dat fall down inside da pukas wea da tar come out an dey mahke dea. Da odda guys run away mauka side.

Start 6:14

So den, go get cypress wood fo make one big boat fo you an yoa ohana. Make rooms inside, an put tar from da groun all ova da inside an da outside.

Outa Egypt 1:22

Den, da Pharaoh guy tell all his peopo, “All da small boy kine bebes from da Israel peopo, throw um inside da Nile Riva! But da girl kine, let um live.”

Isaiah 18:2

Dea govmen sen dea messenja guys on top da watta. Dey go inside da kine boat dey make wit papyrus kine reed. Eh, you messenja guys! Go fas to dat odda country far away. To da peopo ova dea, Da tall guys wit smooth skin, Erybody sked dem. Den go from dea, go even mo far still yet. Get one real strong peopo ova dea Dat stay bus up erybody, Ova dea wea da big rivas cut thru dea land.

Isaiah 19:6

All da watta canal goin come haunas. Da streams wea da Nile Riva split up goin come mo an mo dry. An all da watta kine plants ova dea goin come rotten.

Isaiah 35:7

Da hot sand goin get pond wit reeds. Da groun dat no mo watta, Goin come one puka wea plenny watta come out. Ova dea, wea da jackal kine wild dogs Wen lay down fo res befo time, Goin get grass an watta plants an papyrus reeds dea.

Matthew 2:13

Afta da guys dat know plenny bout da stars go home, you know wat? Had one angel guy from Da One In Charge come by Joseph, wen he stay dream. Da angel guy tell him, “Eh Joseph! Wake up! Take yoa boy an his muddah, an go run Egypt side. Stay ova dea till I tell you fo come back. King Herod, he goin look fo da boy fo kill um dass why.”

Matthew 2:16

King Herod, he find out dat da guys dat know plenny bout da stars trick him, an he come real wild. He sen his army guys an tell um, “Go inside Betlehem an all da odda place ova dea, an kill all da small boys.” Dey kill all da boys two year ol an mo younga. Herod figga dat time, cuz da guys dat know plenny bout da stars wen tell him wat time da star show up firs time.

Jesus Guys 7:19

He bulai oua peopo an make oua ancesta guys suffa plenny. He make dem throw out dea bebes dat jus born fo dem mahke.