Outa Egypt 17:12 - Hawaii Pidgin Bible

¹² But Moses arms come tired. Den Aaron an Hur get one rock an put um unda him fo sit down on top. Aaron, he stan one side, an Hur da odda side, an dey hold up Moses arms. Dass how dey keep his arms up till da sun go down.

Outa Egypt 17:12 ပူးပေါင်းရင်းမြစ်များ

Isaiah 35:3

So make da peopo come strong, Da ones dea hands shake an stay drop stuff. An dea knees no let um stan up strait.

Philippi 1:19

cuz I know dis: bumbye God goin get me outa all dis stuff. An you know how he goin do dat? Cuz you guys pray, az how. An wateva I need, Jesus Christ Spirit goin help me plenny.

Hebrews 12:12

Eh you guys! Jalike da Bible tell, “Wen yoa hands stay drop stuff an yoa knees come weak, make um come strong!”

1 Tessalonika 5:25

Eh, my braddahs an sistahs! Go aks God fo help us guys.

Efesus 6:18

Fo stan strong erytime, pray an stay tight wit God Spirit. Pray bout eryting, an tell God fo help you. Make shua you guys watch out, an hang in dea an pray fo all da peopo dat stay spesho fo God.

2 Corint 1:11

If you guys stay pray fo us too, den dat goin help us guys cuz God goin do plenny stuffs fo us. He goin do dat cuz plenny peopo wen pray. Den plenny peopo goin tell God “Mahalo plenny” wen dey tink bout us guys.

James 1:6

But if you goin aks him fo do someting, you gotta trus him. No ack jalike you no can make up yoa mind. Da guy dat no stay shua, he jalike one wave inside da ocean dat da wind stay blow all ova da place.

Songs 35:3

Grab one spear fo fight, Fo go agains da peopo Dat stay chase me! Tell me fo real kine, You da one get me outa trouble.

Colosse 4:2

Eh, pray erytime. Wen you guys pray, tink plenny bout wat you stay tell God, an no go sleep. An erytime you pray, tell God “Mahalo plenny!” fo eryting.

Outa Egypt 17:11

Erytime Moses hold up his arms, da Israel army guys start fo win, an erytime Moses put his arms down, da Amalek peopo start fo win.

Outa Egypt 17:13

So Joshua dem, dey win da fight. Dey beat da Amalek guys an kill um wit dea swords.

Outa Egypt 24:14

Befo dey go, Moses tell da leada guys, “You guys stay hea. Wait fo me an Joshua come back by you guys. Get Aaron an Hur wit you guys fo stay in charge, fo anybody dat need fo talk to one judge go by dem.”

Joshua 8:26

An Joshua neva put down his hand wit da spear, till dey kill all da peopo from Ai.