Obadiah 1:8 - Hawaii Pidgin Bible

⁸ Da One In Charge tell, “Dat time, fo shua I goin wipe out da guys Edom side Dat tink dey know wat fo do erytime— Da guys from da Esau mountains dat undastan plenny.

Obadiah 1:8 ပူးပေါင်းရင်းမြစ်များ

Songs 33:10

Wen da diffren nations make plan, Da One In Charge jam up dea plan. Wen da diffren peopos figga wat fo do, He no let um do um.

Isaiah 19:11

Fo shua, da leada guys fo Zoan town, Egypt side, Dey stupid kine peopo wit attitude! An da mos smart guys, Dey suppose to tell da Pharaoh guy, dea king, Wat fo do, But dey ony tell um stupid kine stuff fo do. So den! How you guys goin tell da Pharaoh guy, “Oua ancesta guys, Dey was smart guys dat know wat fo do erytime, An dey was kings from befo time”?! No way you guys can tell da Pharaoh guy dat!

Isaiah 19:12

So! Wea yoa smart guys stay now, Da ones dat erytime know wat fo do?! Let dem tell you wat Da One In Charge plan, Wat Da One In Charge, Da God Ova All Da Armies, Goin do agains Egypt.

Isaiah 19:3

Da peopo inside Egypt goin lose fight. Dey make one plan, but I goin jam up da plan. Dey goin go aks dea idol kine gods, An da mahke peopo spirits. Dey goin aks da kahuna guys an wahines wat fo do.

Isaiah 29:14

Az why I goin do dis awesome ting One mo time fo dis peopo, All plenny kine stuff, ova an ova. All da stuff dat da guys tell Dat know wat fo do erytime, Goin all come wipe out. An all da stuff dat da guys tell Dat undastan stuff, Nobody goin know wat dey know, bumbye.”