Obadiah 1:5 - Hawaii Pidgin Bible

⁵ “Wen steala guys come inside yoa house nite time. Fo shua dey goin rip off ony da stuffs dey like grab. If guys come by you fo pick yoa grapes, Fo shua dey goin leave ony litto bit grape Fo da peopo dat no mo notting, aah?!

Obadiah 1:5 ပူးပေါင်းရင်းမြစ်များ

2 Samuel 1:19

“Bummahs! Da mos awesome one From all da Israel peopo Stay mahke ova dea, on top da hills! Sad, cuz yoa bestes guys fo fight, Dey fall down, mahke awready!

Isaiah 14:12

You Babylon kings, all you, You guys wen shine jalike da morning star, Shining plenny even wen da sun start fo come up. But now, look how you guys fall down from outa da sky! God take you an throw you guys down to da earth, No matta befo time you guys strong an bus up all da peopos.

Isaiah 17:6

Goin be hard fo da Israel ohana peopo, Jalike afta you wack one olive tree wit one stick Fo bring down da ripe olives, an ony litto bit stay on top, Two-three olive on da high branch, Four o five on top da branches wea da fruit come out. Az how goin be, Da One In Charge, Da God Ova All Da Armies tell.

Isaiah 24:13

An dass how goin be, Right dea inside da middo a da land, Wit odda peopos all aroun dea. Ony litto bit peopo goin stay, Jalike wen dey wack da olive tree wit sticks Till ony litto bit olive stay on top, An jalike wen dey harves da grapes An leave litto bit grape Fo da pooa peopo dat no mo notting.

Jeremiah 49:9

Wen guys come by you fo harves grapes, Fo shua dey goin leave some grapes fo you, aah? Wen steala guys come nite time, Dey ony goin steal da stuff dey like take, aah?

Jeremiah 50:23

Fo shua, befo time da Babylon army was jalike one sledge hamma Dat wen bus up da whole earth. But now, dat hamma stay all bus up An da handle all broke. Babylon stay da kine place Dat make all da odda nations tink, “Skery, wat happen hea?!”

Jeremiah 6:9

Dis wat Da One In Charge, da God Ova All Da Armies, tell: “Da army guys goin take away da Israel peopo, Jalike wen somebody harves grapes from da grape plants, An den odda peopo come fo pick up wat still stay on top dea. But dey goin leave some peopo hea. So you, Jeremiah, make jalike one good grape farma, Check out da branches one mo time, Fo find an help da ones dat still stay dea.”

Sad Song 1:1

Jerusalem town stay all empty! Befo time get plenny peopo dea. Befo time, Jerusalem was jalike one importan lady, But now, come jalike one widow! Befo time, from all da districks, Jerusalem was jalike dea princess, But now, jalike one slave!

Obadiah 1:9

Yoa army guys from Teman town goin lose fight, Cuz erybody inside da Esau mountains goin get kill.

Micah 7:1

Den Micah tell: “Bummahs! I feel jalike one guy dat like go pick up fruits summa time, Afta da harves guys harves um awready. An I no find grapes fo eat, An no mo early figs dat I plenny ono fo eat.

Zefaniah 2:15

Dis da big town wea da peopo wen stay amp out. Dey figga dey safe dea. Dey tell each odda, “Us guys, Numba One! No mo nobody stay jalike us!” But bummahs! Dea big town wen come all bus up. Ony get wild animals live ova dea! Erybody dat walk by um Ack sked an feel good cuz da town gone awready!

Rules Secon Time 24:21

Wen you harves da grapes from yoa grape plant, no go back harves da ones you wen miss da firs time. Leave da grapes dat stay dea fo da guys from anodda place, da kids dat no mo faddah o muddah, an da wahines dat no mo husban.

Jesus Show 18:10

Dey goin stan far away, cuz dey real sked wen dey see da Babylon peopo suffa. An dey goin tell, “Horraz! Horraz! Babylon, da big town wit plenny powa! An in one hour, you wen come wipe out!”