Obadiah 1:18 - Hawaii Pidgin Bible

¹⁸ Da Jacob ohana goin be jalike one fire. Da Joseph ohana, same ting. An da Esau ohana goin come jalike da junk kine stuffs from da wheat. Dey goin burn up jalike da junk kine stuffs. No mo nobody goin stay alive From da Esau ohana.” Az wat Da One In Charge tell.

Obadiah 1:18 ပူးပေါင်းရင်းမြစ်များ

2 Samuel 19:20

Cuz I yoa worka guy, an I awready know dat I wen do one bad kine ting. Still yet, today I da firs one hea from da Joseph kine ohanas dat live north side from da Judah ohana! I come hea fo meet you, my boss da king!”

Outa Egypt 5:12

So da Israel peopo go all ova da place inside da Egypt land fo cut da wheat stalk dat nobody cut yet, fo dem pick up enuff wheat stalk fo make da brick.

Isaiah 10:17

Da God dat give da Israel peopo light, Fo da Assyria peopo, he goin come jalike one fire. Da One dat stay good an spesho fo da Israel peopo Goin burn up da Assyria peopo. In one day, dat fire goin burn up All da Assyria peopo, jalike dey thorns an weeds.

Isaiah 31:9

Da big rock wea da Assyria guys like hide, Dey goin run pass um Cuz dey plenny sked. Wen dea officer guys see Da One In Charge flag fo war, Dey goin come sked an lose fight.” Dis word come strait from Da One In Charge: Wea can see da light from his fire Inside da Temple on top Mount Zion. Can see wea he burn up his rubbish Inside Jerusalem town.

Isaiah 47:14

But you know wat?! Dose star watcha guys, Dey jalike one dry wheat stalk Dat da fire burn um up fas. Dey no can even run away from da fire Fo no burn up. Dat kine fire burn out real fas. Dass not da kine fire Dat make you stay warm.

Isaiah 5:24

“Az why, wen dose peopo make lidat, Dey goin come poho, Jalike one plant wit da root all rotten, An da wind blow away all da flowas jalike dus, Jalike da fire burn up da junks from da wheat, An da dry grass no mo wen stay burn. Az cuz dey no take da Rules Dat Da One In Charge, Da God Ova All Da Armies, teach um, An dey ack jalike wateva Da One In Charge tell dem, Stay no good! No matta he da Good An Spesho God fo da Israel peopo,

Isaiah 9:18

Cuz wen somebody do bad kine stuff, Az jalike wen get one big fire. All da thorns an da grass burn, An all da trees burn too, Wit plenny black smoke dat go up in da sky.

Isaiah 9:19

Da One In Charge, Da Boss Ova All Da Armies, He no take da bad kine stuff dey do. Dass why he huhu, an da land come all burn up. So da peopo, dey jalike da kine stuff dat da fire goin burn up. Nobody show pity fo dea ohana.

Jeremiah 11:23

No goin get nobody from da Anatot guys goin stay alive, cuz I goin make real bad kine stuff happen to dem, wen da time come fo punish dem.”

Ezekiel 37:16

“Eh! Fo Real Kine Guy! Take one stick an write on top um, ‘Dis stick fo da Judah ohana, an fo da Israel ohanas dat stay tight wit da Judah ohana.’ Den take anodda stick an write on top um, ‘Dis stick fo da Joseph ohana, dass da Efraim ohana, an all da Israel ohanas dat stay tight wit da Efraim ohana.’

Ezekiel 37:19

Tell um, ‘Dis wat Da One In Charge, da Boss, tell: I goin take da Israel ohanas, dass da Efraim stick, an put um wit da Judah stick fo dem come one stick. Wen dey inside Ezekiel hand, dey goin come one stick.’

Joel 2:5

Dey make noise jalike war wagons Wen dey jump ova da top a da mountains. Dey make noise jalike wen get fire stay burn da dry grass. Dey jalike one strong army line up ready fo fight.

Amos 1:8

I goin wipe out da leada fo Ashdod town An da guy in charge a Ashkelon town. I goin go agains da peopo dat live Ekron town. Da odda Filisha guys, dey goin come wipe out too!” Dass wat Da One In Charge tell.

Amos 5:15

Go all out fo hate da bad kine stuff An get love an aloha fo da good kine stuff. Make shua you pick da judges dat goin tell wass right. Den, maybe Da One In Charge, da God Ova All Da Armies, Bumbye give chance to da litto bit peopo Dat stay alive still yet From yoa Israel ohana.”

Amos 6:6

You guys drink da wine, Da whole calabash one time! You guys use da real expensive kine perfume oil. But no bodda you dat yoa Israel country an da Joseph ohana, litto mo wipe out. An still yet, you guys make jalike you no kea, an all dat you do no make you guys come sick!

Obadiah 1:16

Jalike you Judah peopo wen suffa on top da hill dat stay spesho fo me, Cuz I punish dem, Az how all da odda peopos goin stay suffa all da time. Dey goin come jalike dey neva was.

Micah 5:8

All dose guys from da Jacob ohana dat still stay alive, Dey goin stay in da middo a plenny peopos, Dey goin be jalike one lion in da middo a da wild animals inside da fores. An jalike one young lion in da middo a plenny sheeps. He wase um, an no mo nobody dea fo get um outa trouble.

Nahum 1:10

Jalike he goin make dem come All jam up inside da thorn bushes. Dey goin come piloot from drink dea wine. Dey goin come burn up jalike da dry junks from da wheat.

Zekariah 12:6

“Dat time I goin make da Judah leada guys come jalike one fire pan wit hot coals dat make one big stack wood burn, an jalike one torch dat burn up da wheat afta dey harves um. Dey goin burn up all da peopo dat stay aroun dem, but da Jerusalem peopo goin stay safe.

Malakai 4:1

Dis wat Da One In Charge, Da God Ova All Da Armies tell: “You know wat I goin do? Fo all da peopo dat ack jalike dey mo betta den erybody, An fo all da peopo dat stay do bad kine stuff— Da time goin come, wen dose peopo goin come Jalike da lef ova junk kine stuff from da wheat Dat peopo burn up inside one hot burning oven! No goin get notting lef, Not even da roots, not even da branches!

1 Corint 3:12

Some peopo goin build on top dat foundation, wit good kine stuff, stuff jalike gold, o silva, o diamonds—o dey goin build wit junk kine stuff, stuff jalike wood, o grass, o leaf.