Obadiah 1:16 - Hawaii Pidgin Bible

¹⁶ Jalike you Judah peopo wen suffa on top da hill dat stay spesho fo me, Cuz I punish dem, Az how all da odda peopos goin stay suffa all da time. Dey goin come jalike dey neva was.

Obadiah 1:16 ပူးပေါင်းရင်းမြစ်များ

Isaiah 42:14

Da One In Charge tell, “From long time I no say notting. I stay quiet an no talk. But now, time fo me talk strong, Jalike one wahine wen she born one bebe, An she make plenny noise, An breave hard, jalike no can get enuff air.

Jeremiah 49:12

Dis wat Da One In Charge tell: “Get peopo dat da judge tell, no goin suffa. Still yet, even dose peopo goin suffa. So den, how come you guys figga I no goin punish you guys an make you suffa? Fo shua I goin make you guys suffa!”

Sad Song 4:21

You Edom peopo tink you can stay good inside, You guys dat live inside da Uz land. But bad tings goin happen to you guys too. Jalike you guys goin get piloot, an take off all yoa clotheses.

Joel 3:17

Da One In Charge tell, “Den you guys goin know Dat I yoa God, Da One In Charge. I live on top Mount Zion, da hill dat stay spesho fo me. All Jerusalem goin be spesho fo me. Da odda peopos no goin take ova Jerusalem eva one mo time.

Habakkuk 1:9

Dea army come fo bus up erybody. All dea guys togedda come fas Jalike da wind dat come from da boonies. Dey catch plenny prisonas, Jalike da plenny sand on top da beach.

1 Peter 4:17

Da time hea awready fo da peopo stan in front God da Judge. God goin start wit his ohana, an he goin judge um. So den, wat you tink goin happen to da guys dat no like lissen da Good Kine Stuff From God?