Obadiah 1:10 - Hawaii Pidgin Bible

¹⁰ Cuz you guys wen go bus up Da peopo dat come from yoa ancesta braddah Jacob, You goin get plenny shame. You guys goin come wipe out foeva.

Obadiah 1:10 ပူးပေါင်းရင်းမြစ်များ

Start 27:11

Jacob tell his muddah Rebecca, “You shua? My faddah, he goin know. My braddah Esau, he get plenny hair all ova, but me, I ony get smooth kine skin.

Start 27:41

From dat time, Esau stay huhu wit Jacob, cuz dea faddah wen tell Jacob an not him all da good tings dat he like Da One In Charge do fo his boy Jacob bumbye. Esau tink, “Bumbye my faddah guy mahke, an afta da funeral time, den I goin kill my braddah Jacob!”

2 Records 28:17

Cuz one mo time, da Edom guys wen awready come back an attack da Judah guys, an make um prisonas.

Songs 109:29

Da ones dat no like me, Nobody goin respeck dem. Dey goin come shame fo eryting.

Songs 132:18

I goin make shua, wen you tink bout Da peopo dat stay agains my king, You ony goin rememba Dat I put plenny shame on dem. But da crown on top da king head Goin shine so you no foget How awesome him!”

Songs 137:7

Da One In Charge no foget Wat da Edom peopo wen do Da time da Babylon army guys wen take ova Jerusalem town. Dey wen yell, “Bus up da place! Wipe da place to da groun!”

Songs 69:7

Cuz I yoa guy, plenny peopo Talk stink bout me, An I suffa plenny. Dey make me come shame, Fo me no face da peopo.

Songs 89:45

Da king was one young guy, But you wen make um Come makule real fas. You wen make him come all shame. (Time out fo da music.)

Smart Guys 10:6

Erytime God do good tings Fo da peopo dat stay do da right ting Fo dem do wat he like. But da kine guys dat like do bad stuff, Dey make all nice kine wen dey talk, Fo you donno dey like bus you up.

Smart Guys 17:5

Anybody make fun a da peopo dat no mo notting, Dey show dat dey no mo respeck fo God, An he da One wen make dem. Anybody feel good inside Wen bad kine stuff happen to odda peopo, Fo shua, God goin punish da guy dat feel good bout dat.

Jeremiah 12:14

Dis wat Da One In Charge tell: “All da real bad kine peopos dat live nea me, dey like grab da land I wen give to my Israel peopo fo come dea property. I goin throw out dose bad peopos from dea land. But I goin throw out da Judah ohana from dea land too!

Jeremiah 3:25

Us no goin show face cuz we get plenny shame. Us goin come bum out cuz no mo nobody get respeck fo us! Us an oua ancesta guys, all us wen do bad kine stuff Agains oua God, dass Da One In Charge a us. We do all dat from small kid time till now. We neva lissen wat oua God, dass Da One In Charge a us, tell us!’ ”

Jeremiah 49:13

Da One In Charge tell: “I get da right fo make dis spesho promise cuz a who me: Fo shua, Bozrah, da main town fo da Edom peopo, goin come all bus up! Erybody goin come bum out wen dey tink bout Bozrah. Dey goin poin finga da Bozrah peopo, an talk bad bout dem. All da towns aroun dea goin stay bus up, foeva.” Dass wat Da One In Charge tell.

Jeremiah 51:51

Da Jerusalem peopo tell: “Us stay real shame, Cuz we hear da peopo from odda places talk bad bout us. Us guys get shame an lose face, cuz dey wen go Inside da place a Da One In Charge Temple dat stay spesho ony fo him.”

Sad Song 4:21

You Edom peopo tink you can stay good inside, You guys dat live inside da Uz land. But bad tings goin happen to you guys too. Jalike you guys goin get piloot, an take off all yoa clotheses.

Sad Song 4:22

You Jerusalem peopo, God goin pau punish you guys. He no goin make you stay far away long time. But you Edom peopo, he goin punish you guys fo da bad tings you do, He goin show erybody da real bad kine stuff you guys do!

Ezekiel 35:9

I goin make shua foeva, dat no mo nobody goin come back live inside yoa Edom towns cuz dey sked fo go dea. An you guys goin know dass me Da One In Charge do all dat.’

Ezekiel 7:18

Dey goin put on burmbag kine clotheses an dey goin shake all ova. You look dea face, can tell dey all shame. Dey goin shave bolohead fo show dey sore inside.

Joel 3:19

But Egypt goin stay all wipe out. Edom goin stay ony boonies, all wipe out too. Cuz dey wen make any kine to da Judah peopo, An dey make peopo bleed an mahke Dat neva do notting wrong inside dea land.

Amos 1:11

You betta lissen! Dis wat Da One In Charge tell: “Ova an ova, da Edom peopo wen go agains me. Az why, no way I goin let um go an no punish dem! Dey wen go hunt dea braddah guys, da Israel peopo, Wit swords fo kill dem. Dey neva like show pity fo da Israel peopo. Dey like stay huhu all da time An no mo cool head, eva.

Micah 7:10

Den da peopo from odda lands dat stay agains me goin see dat, An dey goin come plenny shame in front erybody. Cuz dey wen make fun a me an tell, ‘Eh! Yoa God, Da One In Charge, wea he stay?!’ But I goin see dem lose face! Dey goin come jalike da mud dat get on top da streets, Wen peopo walk all ova um.

Rules Secon Time 23:7

No make to da Edom peopo jalike dey pilau, cuz dey da Esau ohana, yoa braddahs. An same ting fo da Egypt peopo, cuz dey let you guys live in dea country no matta you no was from dea.

Rules Secon Time 23:8

Da Edom an da Egypt peopo grankids can come togedda wit da peopo a Da One In Charge.