Nehemiah 9:29 - Hawaii Pidgin Bible

²⁹ “You wen tell da peopo fo wise up, Cuz you like make dem come back An lissen yoa Rules. But dey ack jalike you not fo real. Dey no like lissen da tings You teach dey gotta do, An dey no lissen Wat you tell cuz you da Judge. Dey go do bad kine stuff, Jalike you tell um no do. Cuz wen peopo do wat you tell um, Dey goin live fo real kine. But dem, dey no like change. Dey hard head an no like lissen.

Nehemiah 9:29 ပူးပေါင်းရင်းမြစ်များ

2 Kings 17:13

Da One In Charge wen tell all da guys dat talk fo him, an all da guys dat get dream an know wat goin happen, “Tell da Israel an Judah peopo, ‘No go do da bad kine stuff you stay do no moa! Do wat I wen tell you guys fo do, da tings you suppose to do, jalike all my Rules tell. Dis da Rules I wen give yoa ancesta guys, an dis wat I wen sen my guys dat talk fo me fo tell you guys.’ ”

2 Kings 17:14

But da peopo, dey make deaf ear an no like lissen. Dey hard head jalike dea ancesta guys, dat no trus dea God, Da One In Charge.

2 Records 24:19

Da One In Charge sen guys by da peopo fo talk fo him, fo dem bring back da peopo by him. But no matta da guys dat talk fo God tell da peopo fo make shua dey serious bout wat dey do, da peopo no lissen.

2 Records 33:10

Da One In Charge talk to Manasseh an his peopo, but dey neva lissen.

2 Records 36:15

Da One In Charge, da God fo da Israel peopo ancesta guys, wen sen his messenja guys ova an ova fo tell um how dey gotta live. Cuz he no like see his peopo an da place wea he stay come all jam up.

Nehemiah 13:15

Dat time, I see anodda ting stay happen Judah side. On da Res Day, I see da peopo stay smashing grape wit dea feets fo make wine, an bringing plenny wheat an putting um on top da donkeys. I see um bringing wine, grape, fig, an all kine heavy stuff inside Jerusalem town on da Res Day. Right den an dea, I tell um “No sell food on da Res Day!”

Nehemiah 9:10

You wen do awesome kine tings fo show who you, Tings dat blow oua mind, Fo hurt Pharaoh an all his helpa guys An all da odda peopo inside his land. Cuz you know, Dey ack jalike dey mo betta den anybody An make any kine to oua ancesta guys. Da awesome tings you wen do dat time, Make you get one awesome name still yet today.

Nehemiah 9:16

“But dey oua ancesta guys, Dey ack jalike dey get da right Fo make any kine to God. Dey come hard head, an no lissen Wat God tell um fo do.

Nehemiah 9:26

“But still yet, da peopo no like lissen. Dey make war agains you. Dey tell laytas to da Rules you wen teach An make jalike dey no mean notting. Dey kill da guys dat stay talk fo you, Yoa talka guys dat wen talk to dem serious kine Fo help um turn aroun Fo come tight wit you one mo time. Dey talk real bad bout you.

Nehemiah 9:30

Fo plenny year you hang in dea wit yoa peopo. You wen sen yoa Spirit fo tell da guys dat talk fo God Fo tell da peopo, ‘Wise up!’ but dey still yet no lissen. So den, you let da peopo from odda lands Take ova yoa peopo.

Outa Egypt 10:3

So Moses an Aaron go by da Pharaoh guy. Dey tell um, “You betta lissen! Dis wat Da One In Charge tell, da God fo da Hebrew peopo. God tell, ‘Eh! How long you goin tink you no need fo come notting in front me, haa?! Let my peopo go way from hea fo dem make one religious kine ceremony fo me.

Jeremiah 17:23

But yoa ancesta guys neva lissen fo real kine. Dey ony come hard head. Wen I tell um fo do stuff da right way, dey ony make deaf ear.’

Jeremiah 19:15

“Da One In Charge tell dis. He da God Ova All Da Armies, an da God fo da Israel peopo. He tell: Lissen up! Inside dis big town an da small towns aroun um, I goin make happen all da real bad kine stuff I wen tell dem dat I goin do befo I do um. Cuz dey hard head, an dey no like lissen wat I tell.”

Jeremiah 42:19

“You Judah guys dat still stay hea, Da One In Charge wen tell you guys awready, ‘No go Egypt side!’ You guys gotta know fo shua right now, dat I wen tell you fo watch out awready.

Jeremiah 43:2

Azariah, Hoshaiah boy, an Johanan, Kareah boy, an all da odda guys dat get big head tell Jeremiah, “You bulaia! Oua God Da One In Charge neva sen you hea fo tell: ‘You guys betta not run away Egypt side an stay ova dea!’

Jeremiah 44:10

Even today you guys no show you come sorry fo wat you wen do. You guys no show respeck fo me. You no follow my rules, an all da stuff I wen tell you guys an yoa ancesta guys dat you gotta do.

Jeremiah 7:26

But yoa ancesta guys no lissen me o tink bout wat I tell. Dey hard head, an dey do mo plenny bad kine stuff den dea ancesta guys wen do.

Ezekiel 20:11

I tell dem wat dey gotta do, an make shua dey know wat I tell um bout wass right an wass wrong. Cuz whoeva lissen my rules, dey goin stay alive if dey do um.

Daniel 5:20

“But den, King Nebukadnezzar start fo get big head, an inside, he come hard head an tink he can make how he like. Az why God throw him out fo be da king, an da peopo no show respeck fo him no moa.

Hosea 6:5

Az why I sen da guys dat talk fo me. But you neva lissen wat I tell! An cuz you no lissen dem, I goin cut you guys up Fo kill you wit wat I tell.

Prieses 18:5

Make shua you live da way I tell you gotta live, an do wat my rules tell you fo do. Anybody dat do wat my rules tell, dey goin stay alive an get life cuz dey do um. Me, Da One In Charge, da God dass fo real kine.

Matthew 19:17

Jesus tell, “How come you aks me bout da ‘good ting’? Ony get one Guy dat stay good fo real kine, dass God! If you like live to da max foeva, you know da Rules From God? Go do um, den.”

Luke 10:28

Jesus tell, “Dass right! Do dat an you goin live fo real kine.”

Rome 10:5

Moses wen write dis befo time inside da Bible: Fo get um right wit God, da peopo gotta do eryting wat da Rules tell um fo do. Dis wat Moses tell: “Whoeva do eryting da Rules tell um fo do, dey goin get life cuz dey do dat.”

Galatia 3:12

You know, if you ony do wat da Rules tell you fo do, dat no mean you stay trus God. God tell inside da Bible, “Whoeva do eryting da Rules tell dey gotta do, dey goin live fo real kine cuz dey stay do um.” But us guys, we no mo da powa fo do eryting da Rules tell us fo do.

Rules Secon Time 31:21

Laytas, wen plenny bad kine stuff an hard time come on top dem, dis song goin tell wat I wen see um do, fo judge dem, cuz dea kids no goin foget da song, an dey goin sing um. I know wat dey tink an wat dey like do, even now befo I bring dem inside da land dat I wen make one spesho promise fo give to dem.”

Rules Secon Time 31:27

Cuz I know how you guys wen go agains me, an dat you guys hard head. I know you guys wen go agains Da One In Charge wen I still yet stay hea wit you guys, an fo shua you guys goin go agains him even mo plenny afta I mahke!

Rules Secon Time 4:26

Jalike I goin call da sky an da earth fo see wat you guys do today, fo dem grumble bout you guys if you no do wat I stay tell you guys. Cuz if you guys no do um, you goin mahke real fas inside da land wea you guys stay cross da Jordan Riva fo take charge. Den you guys no goin live ova dea long time, but you guys goin be wipe out fo shua.

Local Leadas 6:10

I tell you guys, ‘I yoa God, Da One In Charge. No go down in front da gods fo da Amor peopo, no matta you guys live inside dea land.’ But you guys neva lissen me.”