Nehemiah 9:25 - Hawaii Pidgin Bible

²⁵ Dey take ova towns dat get strong wall, An da bestes kine lands. Dey take ova plenny houses Dat stay full wit all kine good stuff. Dey take ova da holes da odda peopos wen dig Fo keep watta inside, An grape farms, an olive farms, An trees wit fruits fo eat. So oua peopo wen eat plenny an come full, An even start fo come fat. Dey party up cuz dey feel real good Bout all da good tings you do fo dem.

Nehemiah 9:25 ပူးပေါင်းရင်းမြစ်များ

1 Kings 14:9

You wen do mo plenny bad kine stuff den all da peopo dat wen come befo time. You make idol kine gods dat not fo you, dat you melt metal fo make. You make me come mad an walk away from me.

1 Kings 8:66

Da day afta dey pau, Solomon tell da peopo fo go home. Dey tell da king “We like God do good tings fo you!” Den dey go back home. Dey feel real good inside, an dey dance an sing, cuz a all da good tings dat Da One In Charge wen do fo his worka guy King David, an fo his peopo, da Israel peopo.

Nehemiah 9:35

Dey even get one a dea guys fo come king fo dea land, An you do plenny good tings fo dem, An you put one big land in front dem, da bestes land. But dey no do notting fo you, An dey stay do bad kine stuff, An dey still make any kine to odda peopo.

Songs 105:44

God wen give his peopo da land Wea odda peopos wen live befo time. Da odda peopos wen work da groun, But his peopo take um ova.

Songs 65:11

You make da bestes time in da year Wen you give all kine good tings To us guys fo eat, Jalike you put one nice lei On top oua head! Ery place you go, Get ony da bestes kine stuff all ova dea.

Smart Guys 30:9

No good I get eryting I like get, An den ack jalike I donno you, God, An tell, “Who Da One In Charge?! He no mean notting fo me!” An no good I come real pooa so I no mo notting, An den I start fo steal stuffs from odda peopo, An give you, my God, one bad rep.

Isaiah 6:10

Make dem so dey no can tink good, Make dem so dey no can hear good, An shut dea eyes so no can see good. I no like fo dem see wass happening, I no like fo dem start fo lissen, An fo tink good. Cuz if dey wen change, Den dey goin come good. But dey no goin change.”

Isaiah 63:7

“I goin make shua nobody foget, An tell all dat Da One In Charge do Cuz he stay tight wit us guys, An I goin tell all da good tings Bout Da One In Charge Cuz he do good tings fo us guys. He give us Israel ohana peopo Plenny good kine stuffs. He show love an pity fo us guys, An he stay tight wit us guys foeva.

Jeremiah 2:7

“But den, I wen bring you guys inside one land Wea fruit grow good, An you can eat odda stuff dat grow dea too. But wen you guys come hea, You make my land come all pilau. You guys make da property I give you Come one junk kine place.

Jeremiah 31:14

I goin give da pries guys da bestes kine stuff fo eat Fo dem stay good inside. I goin give my peopo all da good stuff dey can eat.” Az wat Da One In Charge tell.

Jeremiah 32:23

Dey come inside hea an take um ova. But dey no lissen wat you tell um, o stick wit da rules you wen teach um. Dey no live how you tell dem fo live. Az why you bring all dis bad kine stuff on top dem.

Ezekiel 20:6

Dat day I make one strong promise to dem: ‘I goin bring you guys outa Egypt fo go one land I wen pick fo you. Az one land dat get plenny milk an honey, da mos beautiful land from all da odda lands.’

Daniel 11:24

Wen erybody tink eryting stay good, dis guy goin take ova da places inside da districk wea da bestes kine food grow. He goin take ova lands, da ones his faddah an ancesta guys neva take ova. He goin take all kine stuffs from ova dea, an give his frenz all da rich kine stuffs dat he take away from da odda peopos. He goin make plan fo take ova plenny big towns dat get strong wall, an he goin do um one by one.

Hosea 13:6

Wen I wen feed dem, dey get full. Wen dey full, den dey ack high makamaka. Dass how dey foget me.

Hosea 3:5

An bumbye da Israel peopo goin come back an try fo know dea God, Da One In Charge, an dea king dat come from King David blood line. Dey goin shake cuz dey sked, an get choke plenny respeck fo me, Da One In Charge. An dat time I goin do plenny good kine stuff fo dem.

Rome 2:4

God get plenny good heart fo you, an he stay hang in dea an wait fo you. An den, you make jalike dass notting? You no tink he like you come sorry an no do da bad kine stuff no moa, o wat?!

Rules Secon Time 3:5

All dose big towns get tall walls dat nobody can broke down, an gates wit bars on top um. An get plenny odda town dat no mo wall too.

Rules Secon Time 32:13

Da One In Charge, he put da Israel peopo wea dey stay In da up country inside da Canaan land. He let um eat stuff dat grow inside da fields, An honey from da bees inside da cliffs, An oil from da olive trees dat grow wea get hard rocks.

Rules Secon Time 32:14

He give um sof cheese from dea cows An milk from dea sheeps an goats, An da bestes kine meats from da bebe sheeps an goats, An meat from da big kine sheeps Dat stay Bashan side, an goats, An wheat dat get big seed. He let um drink da juice From da grapes, da red wine.

Rules Secon Time 32:15

But Jeshurun, az da Israel peopo Dat stay do wass right, Dey wen come real fat an do Ony wat dey like do. Eh, I stay talk bout you Israel peopo! You guys eat too much an come real fat. You wen bag from da God dat wen make you. Da One dat stay solid jalike one big stone Da One get you guys outa trouble, But you guys tink he stupid, an bag from him.