Nehemiah 9:24 - Hawaii Pidgin Bible

²⁴ So da ohanas dat come from yoa ancesta guys Wen go ova dea, an take ova da land. All da Canaan peopo dat stay live dea befo time, You take away dea powa An give dea king guys an dea peopo to yoa ohana guys, Fo make da Israel peopo do how dey like to da Canaan peopo.

Nehemiah 9:24 ပူးပေါင်းရင်းမြစ်များ

1 Records 22:18

He tell um, “Yoa God Da One In Charge stay wit you guys. He let you guys res from fight da nations all aroun you guys. He wen give me da powa fo be king ova da peopo dat live on top da land. Az why now, da land stay unda Da One In Charge an his peopo—dass you guys.

Esther 9:5

Da Jews use swords fo kill all da guys dat hate dem, an dey do wat dey like to dose guys.

Census 14:31

You guys wen tell dat yoa kids goin come prisonas. But I goin bring yoa kids inside dat land, an dey goin stay good inside cuz dey dea, no matta you guys no like take da land.

2 Timoty 2:26

Den dey goin come smart an get outa da trap dey stay in, cuz da Devil wen catch um an make um do wat he like fo dem do.

Joshua 10:40

So Joshua dem win ova da whole place aroun dea: up country, da Negev boonies, da hills on da west side, da valleys dat go down from up country, an all dea kings. No mo nobody stay alive, jalike was one sacrifice. Dey wipe out eryting da way Da One In Charge, da God fo da Israel peopo, wen tell um fo do.

Joshua 11:23

Dass how Joshua take ova all da land, jalike Da One In Charge wen tell Moses fo do. Da One In Charge give all dat land fo come da Israel peopo property fo all dea ohanas. Dat time, da peopo wen res, an neva fight no moa.

Joshua 12:12

da king fo Eglon, da king fo Gezer,

Joshua 12:24

da king fo Tirzah. Az thirty-one king guys.

Joshua 18:1

All da Israel peopo come togedda at Shiloh town. Dey put up da big tent wea da peopo meet Da One In Charge ova dea. Dey wen take charge a da land awready.

Joshua 21:43

Dass how Da One In Charge give da Israel peopo all da land. Befo time he wen make one strong promise to dea ancestas fo give um da land fo dea property, an dey take um ova, an live dea.

Joshua 21:45

All da good kine stuff Da One In Charge wen make one promise fo do fo da Israel peopo, he do um all. No mo notting dat he neva do!

Local Leadas 4:23

Dat day God make Jabin, da king fo da Canaan peopo, lose face in front da Israel peopo.