Nehemiah 9:22 - Hawaii Pidgin Bible

²² “You give dem lands Dat had kings an peopos befo time. You divide da land fo da Israel peopo, Fo dem take ova da land from King Sihon, Heshbon side, An from King Og, Bashan side.

Nehemiah 9:22 ပူးပေါင်းရင်းမြစ်များ

Songs 105:44

God wen give his peopo da land Wea odda peopos wen live befo time. Da odda peopos wen work da groun, But his peopo take um ova.

Songs 78:65

But den, jalike da Boss Up Dea Wen wake up afta he sleep, Jalike one army guy drink wine, But den he wake up ready fo fight.

Jeremiah 27:5

Me, Da One In Charge, I wen make da world, all da peopo, an da animals dat stay on top da earth, cuz I get plenny powa an I use um how I like. I give my powa to anybody I like.

Jeremiah 32:23

Dey come inside hea an take um ova. But dey no lissen wat you tell um, o stick wit da rules you wen teach um. Dey no live how you tell dem fo live. Az why you bring all dis bad kine stuff on top dem.

Ezekiel 20:28

I wen bring dem inside da land dat I wen make one strong promise fo give dem. But den, erytime dey see one high hill o one tree wit plenny leafs, dass wea dey make dea sacrifices dat make me come huhu. Dass wea dey put out dea stuffs dat smell nice an make you feel good. Dey pour out dea drink sacrifice dea too.’

Rules Secon Time 1:4

Moses tell um dis afta dey win ova Sihon, da king fo da Amor peopo dat stay inside Heshbon, an afta dey win ova Og, da king fo da Bashan peopo dat stay inside Ashtarot an Edrei.

Rules Secon Time 32:26

I wen tell dat I goin scatta dem all ova da place, An all da peopo in da world goin foget who dem.

Rules Secon Time 4:46

Dat time, dey stay inside da valley nea Bet-Peor on da east side a da Jordan Riva. Az was inside da land wea befo time Sihon wen stay king fo da Amor peopo inside Heshbon. Az was wen Moses an da Israel peopo win ova him, wen dey come outa Egypt.

Rules Secon Time 4:47

Dey take ova dat land, an da land fo Og, da king fo Bashan. Az was da two Amor kings fo da east side a da Jordan Riva.

Joshua 10:11

Wen dey stay running away from da Israel guys on top da road dat go down from Bet-Horon to Azekah, Da One In Charge make big kine hail stone come down on top dem from da sky. Mo plenny Amor guys wen mahke from da hail den from da Israel guys swords.

Joshua 11:23

Dass how Joshua take ova all da land, jalike Da One In Charge wen tell Moses fo do. Da One In Charge give all dat land fo come da Israel peopo property fo all dea ohanas. Dat time, da peopo wen res, an neva fight no moa.