Nehemiah 9:19 - Hawaii Pidgin Bible

¹⁹ “Cuz you get plenny pity fo dem still yet, You neva go way an leave dem Ova dea inside da boonies. Da cloud dat go from da groun to da sky fo show um wea fo go Neva go way from dem. Nite time, da fire dat go from da groun to da sky Give um light fo see da way dey goin go.

Nehemiah 9:19 ပူးပေါင်းရင်းမြစ်များ

Nehemiah 9:12

Day time, had one cloud dat go from da groun to da sky, Fo show da peopo wea fo go. Nite time, had fire dat go from da groun to da sky, Fo give um light fo see dea way, wea dey stay go.”

Nehemiah 9:27

Cuz a dat, you wen make shua, Da odda peopo dat stay agains oua Israel ohanas Bus up oua peopo an make um suffa. But wen oua peopo wen suffa, Dey yell to you fo help dem. You hear dem from inside da sky, An cuz you get plenny pity fo dem, You wen give some leada guys to oua peopo, Fo get um outa da hard times dey stay in Cuz a da ones dat stay agains dem.

Nehemiah 9:31

But cuz you get plenny pity fo yoa peopo, You neva wipe um out, An you neva leave dem an go way from dem. Cuz you da God dat like do good tings fo yoa peopo, An give peopo one mo chance.

Songs 106:45

Fo dem, God neva foget Da deal he wen make, An cuz he like stay real tight wit dem, He wen change his mind.

Songs 136:16

Da One In Charge, He wen take his peopo Thru da boonies wea nobody live, Cuz he stay tight wit his peopo foeva!

Outa Egypt 40:36

From dat time, erytime da Israel peopo suppose to move camp, da cloud go up from da Tent, an den dey go.

Outa Egypt 40:38

Day time, da Cloud From Da One In Charge stay ova da Tent. Nite time, inside da Cloud, get fire. All da Israel peopo can see da fire burning dea. Dass how was, all da time da Israel peopo stay go outa Egypt till dey get to dea land.

Isaiah 44:21

“So den, you Jacob ohana peopo, No foget all dis stuff! Cuz you guys work fo me, You Israel peopo. I wen make you guys Fo work fo me. You Israel peopo, I no goin foget you guys.

Sad Song 3:22

Da One In Charge, he stay tight wit us guys foeva! Da tings he do fo show pity fo us guys, goin be lidat foeva!

Ezekiel 20:14

But cuz I get one good rep, az why I make shua da odda peopos aroun dem no give me one pilau name. Cuz dose odda peopos see wat I do, da time I bring da Israel peopo outa Egypt.

Ezekiel 20:17

But wen I see how dey stay, I tell, “Pooa ting!” Az why I no wipe dem out inside da boonies.

Ezekiel 20:22

But I neva do all dat cuz I get one good rep. Az why I make shua da odda peopos aroun dem no give me one pilau name cuz a who me. Cuz dey see wat wen happen wen I bring da peopo outa Egypt.

Daniel 9:18

“God, try lissen. An try open yoa eyes an look how us stay all bus up! Try look yoa bus up big town, Jerusalem, dat carry yoa name! Cuz us stay pray an aks you fo do dis. Az not cuz us guys do da right kine stuff, but cuz you give plenny chance!

Daniel 9:9

God, you da Boss. You da One show pity an let us go, no matta us wen go agains you.

Malakai 3:6

Da One In Charge, he tell dis too: “Me, Da One In Charge, An I no change how I ack. I still da same. Az why you guys from da Jacob ohana no stay wipe out!

Census 14:14

den dey goin tell da peopo inside da Canaan land bout um. Dose peopo awready hear bout you, Da One In Charge. Dey hear you stay with dese Israel peopo. Dey hear dat da Israel peopo can see you, Da One In Charge, erytime yoa cloud stay ova dem, an wen you go in front dem inside one cloud dat go from da groun to da sky day time, an nite time one fire dat go from da groun to da sky.

Rules Secon Time 8:2

No foget how oua God, dass Da One In Charge a us, wen bring you guys all da way inside da boonies fo forty year. He do dat so you guys no mo big head, an fo tes you guys fo find out how you guys tink, if you guys goin do wat he tell you guys fo do, o not.

1 Samuel 12:22

Da One In Charge no goin leave you guys! Cuz he awready make up his mind fo make you guys come his peopo. An he no goin jam up his good rep.