Nehemiah 8:6 - Hawaii Pidgin Bible

⁶ Den Ezra talk to Da One In Charge, da awesome God. Ezra tell God “Mahalo,” cuz he do all kine good tings fo da peopo. All da peopo put up dea hands an tell, “Dass it!” Den dey go down an put dea face on top da groun fo show love an respeck fo God.

Nehemiah 8:6 ပူးပေါင်းရင်းမြစ်များ

Start 14:22

But Abram tell da king guy fo Sodom, “No way! Right hea an now, I put up my hand fo make one promise to Da One In Charge, da God Dass Mo Importan Den All Da Odda Gods, da One dat wen make da sky an da world.

Start 24:26

Da luna guy go down on top da groun fo show respeck fo Da One In Charge.

1 Records 16:36

We like fo erybody talk good bout Da One In Charge, Da God fo da Israel peopo, foeva an eva! Den all da peopo tell, “Az fo shua!” an “Tell erybody dat Da One In Charge, he da greates!”

1 Records 29:10

David tell Da One In Charge “Mahalo” in front all da peopo dat come togedda dea, cuz Da One In Charge stay do good tings fo dem. David tell, “Eh! You Da One In Charge! Mahalo, cuz you do good tings fo us guys! You da God fo oua ancesta guy Israel. You stay from befo time an foeva.

1 Records 29:20

Den David tell all da peopo, “Tell yoa God, Da One In Charge, ‘Mahalo plenny!’ Cuz he do good tings fo you guys!” So all da peopo dat come togedda dea, tell “Mahalo!” to Da One In Charge, da God dea ancesta guys wen pray to, cuz he do good tings fo dem. An dey go down an put dea face on top da groun fo show love an respeck fo Da One In Charge an da king.

2 Records 20:18

Jehoshafat go down an put his face on top da groun, an all da Judah an Jerusalem peopo go down too fo show love an respeck in front Da One In Charge.

2 Records 29:10

But now, I like make one deal wit Da One In Charge, da God fo da Israel peopo, so den he no goin stay huhu wit us guys.

2 Records 29:30

King Hezekiah an his leada guys tell da Levi guys fo tell good tings bout Da One In Charge, an use da words dat David an Asaf, da guy dat can see wass goin happen, wen use. Az why dey sing bout how good Da One In Charge stay, till dey stay good inside. An dey bow dea head an go down fo show love an respeck fo Da One In Charge.

2 Records 6:4

Den Solomon tell: “I like tell good stuff bout Da One In Charge, da God fo da Israel peopo. He wen use his powa fo do all da tings he wen make one spesho promise to my faddah David fo do. Cuz Da One In Charge wen tell:

Nehemiah 5:13

Den I shake out da part a my robe wea I keep stuff, an I tell, “Erybody dat no do how dey wen promise, I like fo God shake dem outa dea house an all da stuffs dey wen work hard fo get fo dem no mo notting.” All da peopo dat come togedda tell, “Az right! We gotta do um!” Dey tell good tings bout Da One In Charge. An dey go do jalike dey wen promise fo do.

Nehemiah 8:7

Had guys from da Levi ohana ova dea. Da peopo stay stan dea, an da Levi guys help um undastan wat da Rules mean. Da Levi teacha guys was Jeshua, Bani, Sherebiah, Jamin, Akkub, Shabbetai, Hodiah, Maaseiah, Kelita, Azariah, Jozabad, Hanan, an Pelaiah.

Songs 134:2

Put up yoa hands an face da place Dat stay spesho fo God. Tell Da One In Charge dat he good!

Songs 141:2

Wen I pray, go make wat I pray be okay, Jalike incense dat oua peopo burn Wen dey make one sacrifice in front you, Wen I put up my hands fo pray, Make um be Jalike da late aftanoon sacrifice.

Songs 28:2

Try lissen! Ova an ova, I aks you fo do someting I stay yell to you fo help me. I stay stan nea da mos spesho part a yoa Temple An I put up my hands fo pray to you.

Songs 41:13

Eh you guys! Tell good tings Bout Da One In Charge! He stay da God fo us Israel peopo From befo time till foeva! Dass how he stay! Dass it!

Songs 63:4

Cuz a dat, I goin tell erybody Dat you do good tings fo me All da time I stay alive. I goin put up my hands Fo show you love an respeck Cuz I know wat kine god you.

Songs 95:3

Cuz Da One In Charge, Him da God dass fo real! Him da awesome King dat get da powa Ova all da odda gods.

Outa Egypt 12:27

You guys goin tell um, ‘Dis da Passova Sacrifice. We stay make um fo show we stay tight wit Da One In Charge. He da one wen pass ova all da houses wea oua Israel peopo live befo time, Egypt side. Da One In Charge wen wack da Egypt peopo an kill um, but he neva touch us guys, ova dea inside oua houses.’ ” Wen da peopo hea wat Moses tell um, dey go down on top da groun fo show love an respeck fo Da One In Charge.

Outa Egypt 4:31

Wen da peopo see dat, dey trus Moses. Now dey know dat Da One In Charge see how plenny dey suffa, an dat he start fo do good tings fo da Israel peopo. Right den an dea dey go down on dea knees fo show God love an respeck.

Jeremiah 28:6

“Az right! Good! I like fo Da One In Charge do dat too! I like Da One In Charge make happen all da tings you wen tell cuz you talk fo him! I like fo him carry back to dis place from Babylon, da stuff from da Temple Fo Da One In Charge! I like fo him bring back all da peopo dey wen make prisona an take Babylon side!

Sad Song 3:41

Good, fo us guys pray wit one good heart, An put up oua hands to God in da sky, an tell:

Prieses 9:24

Den fire come out from in front Da One In Charge, an burn up all da burn up kine sacrifice an da fat parts a da odda sacrifices dat stay on top da altar. Wen da peopo see dat, dey yell cuz dey stay feel good inside. Den dey go down an put dea face on top da groun fo show respeck fo Da One In Charge.

Matthew 26:39

He walk mo down, an go down on top da groun, an talk to God lidis: “God, you my Faddah. If can, no let me suffa lidis. But if no can, dass okay. I like do um da way you like, not da way I like do um.”

Matthew 6:13

Show us guys how fo no do bad kine stuff Wen somebody give us chance fo do um, But get us outa trouble from da Bad Guy. [Cuz you oua King, You get da real powa, An you stay awesome foeva. Dass it!]’ ”

1 Corint 14:16

If you tell inside you how good God stay an you stay use one diffren kine language, an get one guy inside da meeting dat no undastan wat you tell, how he goin tell “Dass right!” wen you tell God, “Mahalo plenny!” wit da odda language? He no can cuz he no undastan.

Efesus 1:3

Good erytime fo tell how good God stay! He da God an da Faddah fo Da One In Charge a us guys, dass Jesus Christ. God erytime do good kine stuff fo us guys, cuz he put all kine good stuff inside us, an all dat come strait from wea God stay inside da sky. He put all dat inside us guys cuz us stay tight wit Christ.

1 Timoty 2:8

I like da peopo all ova da place fo pray. Wen dey pray, dey gotta be good an spesho fo God, an no make argue o stay mad at da odda guy. Den az okay fo dem put dea hands in da air fo pray.

1 Peter 1:3

I like erybody tell how good God oua Faddah stay, an how good his Boy Jesus Christ, Da One In Charge, too. God, his Faddah, he give us guys plenny chance. Wen Jesus Christ wen mahke, he come back alive! So den, Christ wen give us one new kine life, jalike we wen born one mo time. Us guys stay trus Christ cuz we know fo shua wat he goin do fo us bumbye.

Jesus Show 7:11

All da angel guys stay stan aroun God throne, an aroun da older leada guys, an aroun da four tings dat stay alive an go ery place God go. Dey all go down an put dea face on top da groun in front God throne, an dey show God love an respeck.