Nehemiah 7:64 - Hawaii Pidgin Bible

⁶⁴ Dose pries guys wen look fo dea name inside da ohana books, but dey no can find um. Az why dey no can do pries guys work, cuz dey no can show proof.

Nehemiah 7:64 ပူးပေါင်းရင်းမြစ်များ

1 Records 9:1

Get da names a all da Israel peopo inside da book dey call “Da Record Fo Da Israel Kings.” Da Babylon peopo wen catch da Israel peopo an make dem go Babylon cuz dey prisonas, cuz Da One In Charge no trus um.

Nehemiah 13:29

Eh my God, no foget dat kine bad peopo. Dey make da pries guys come pilau, Az why dey no can work fo you, Cuz dey broke da deal you wen make Fo da pries guys an da Levi ohana guys.

Nehemiah 7:5

Den my God make me tink fo do anodda ting. I tell all da alii guys an da govmen guys an all da odda peopo fo come togedda fo dem write down all da ohana name. I wen awready find da ohana book wit da name fo da peopo dat wen come wit da firs ones dat come back from Babylon side, an dis wat stay write inside dea:

Nehemiah 7:63

Da pries guys dat no can show proof too, dey da ones dat come from Hobaiah, Hakkoz, an Barzillai. (Barzillai, he take his ohana name from da Barzillai dat live Gilead side befo time, cuz he wen marry one a da Gilead guy daughtahs.)

Nehemiah 7:65

I was da govna guy, az why I tell um dat dey no can eat da food dass spesho fo God yet, dey gotta wait till get one pries dat know how fo use da Urim an da Tumim fo aks God wat fo do.

Prieses 4:3

“If da guy dat do someting bad stay da Main Pries Guy dat me Da One In Charge wen pick, dat goin put da blame on all da peopo. So da pries guy gotta bring one boy kine calf fo me, dat no mo notting wrong wit um. He gotta make one sacrifice fo me cuz he da Main Pries Guy, an he da one wen do someting bad.