Nehemiah 5:7 - Hawaii Pidgin Bible

⁷ Afta I tink plenny bout all dat, I take da alii guys an da govmen guys in front da judge. I tell all dem guys, “How come you guys stay take tings from yoa peopo?! You charge mo fo loan um money, an den wen dey no can pay, you charge um some moa!” Az why I tell all da peopo fo come togedda fo do someting bout dem guys.

Nehemiah 5:7 ပူးပေါင်းရင်းမြစ်များ

Songs 109:11

Make da peopo dat da guy owe money to, Go an grab eryting from him. Make peopo dat he donno Rip off eryting he wen bus ass fo get.

Songs 15:1

Eh! You Da One In Charge! Tell me who get da right Fo live wit you, in da place you stay. Who get da right fo stay long time On top da mountain dat stay spesho fo you?

Songs 15:5

Dey no charge extra interes Wen dey lend money. Dey no take dirty money From somebody dat like hurt one guy Dat neva do notting bad.” Dass wat God tell. Dat kine peopo, dey da ones Dat goin stan solid foeva!

Songs 27:8

Fo real kine, I like come close to you. Eh! You Da One In Charge! Dass wat I like fo do, Go in front you.

Songs 4:4

So, good you guys stay sked an shaking, Cuz den you no goin do bad kine stuff. Go lay down on top yoa bed, An tink plenny bout all dis, An shut yoa mout. (Time out fo da music.)

Songs 94:16

You tink get somebody stan up Fo help me Wen da bad guys Come afta me, o wat?! You tink somebody hang in dea wit me Agains da peopo Dat stay do bad tings, o wat?! No way!

Outa Egypt 22:24

I had it wit wat you guys stay do to dem. Jalike wen one fire come one big fire, I goin go afta you guys an make odda peopo kill you guys wit swords. Den you guys wifes goin come widows, an yoa kids no goin get dea muddah an faddah.

Outa Egypt 22:25

If you lend money to my peopo, da ones dat no mo notting dat live dea wit you, no make jalike dat yoa biznis. No make um pay back you guys wit interes money.

Smart Guys 27:5

Wen somebody come in front erybody Fo tell um you wen do someting wrong, Az mo betta Den if somebody get love an aloha fo you, But dey no say notting.

Smart Guys 28:4

Da kine peopo dat tink da Rules From God no good, Dey talk good bout bad kine peopo. But da ones dat stay do wat da Rules tell, Dey go agains wat da bad kine peopo do.

Ezekiel 22:12

Inside yoa town get guys dat take unda da table money fo go kill somebody. You lend money but charge choke plenny interes, an scam odda peopo. An you guys wen foget me too. Az wat me Da One In Charge, da Boss, tell.

Ezekiel 45:9

“ ‘Dis wat Da One In Charge, da Boss, tell: You princes inside Israel, you guys wen go far enuff! No bus up da peopo no moa, an no put presha on top dem no moa! Do wat stay right! No take ova dea land! Az wat me Da One In Charge, da Boss, tell.

Prieses 19:15

“Wen you guys judge peopo, make shua you do um da right way an make um even. No make diffren kine to da guys dat no mo notting an da guys dat stay rich. Make fair fair to erybody wen you judge odda peopo.

Prieses 25:36

No make um pay interes o pay back mo den wat dey borrow, but show respeck fo God cuz you stay sked a him. Dass how da Jew guys dat no mo notting can still stay live wit you guys.

Matthew 18:17

If he no like lissen dem, den go tell all da church guys. An if he no like lissen dem, make to him jalike he from one a da peopos dat donno God, o jalike he one crooked guy dat colleck tax money.

2 Corint 5:16

Az why from now, us no figga bout nobody da same way odda peopo figga. No matta befo time we wen figga bout Christ da same way odda peopo figga. Now, we no figga bout Christ dat way no moa.

Galatia 2:11

But wen Peter come Antiok side, I wen stan up agains him cuz he do someting wrong.

1 Timoty 5:20

Anybody dat still yet stay do bad kine stuff, tell wat dey do in front all da odda church peopo. Tell um dis: “Wat you guys stay do, az wrong!” Den all da oddas goin come sked fo ack jalike dem.

Titus 2:15

Eh! All dis stuff, dass da kine tings you suppose to teach. Give um good kine words! An wen somebody do bad kine stuff, show um dat da ting dey wen do az wrong. Cuz you get da right fo tell um dat. No let nobody tink dey no need lissen.