Nehemiah 5:13 - Hawaii Pidgin Bible

¹³ Den I shake out da part a my robe wea I keep stuff, an I tell, “Erybody dat no do how dey wen promise, I like fo God shake dem outa dea house an all da stuffs dey wen work hard fo get fo dem no mo notting.” All da peopo dat come togedda tell, “Az right! We gotta do um!” Dey tell good tings bout Da One In Charge. An dey go do jalike dey wen promise fo do.

Nehemiah 5:13 ပူးပေါင်းရင်းမြစ်များ

2 Kings 23:3

Da king stan by da big bronze pos by da Temple door. He make one new promise in front Da One In Charge fo him an da peopo. He promise dat dey goin follow Da One In Charge. He tell dat dey goin do wat Da One In Charge tell um fo do. He tell dat dey goin lissen wen God tell um bad kine stuff goin happen, an do wateva Da One In Charge tell um dey suppose to do. Dey goin go all out fo do dis, an no hold back. Az how da king make one strong promise fo make happen all da stuff dey wen find inside da Book. Den all da peopo make one promise fo stick wit da deal too.

1 Records 16:36

We like fo erybody talk good bout Da One In Charge, Da God fo da Israel peopo, foeva an eva! Den all da peopo tell, “Az fo shua!” an “Tell erybody dat Da One In Charge, he da greates!”

Nehemiah 8:6

Den Ezra talk to Da One In Charge, da awesome God. Ezra tell God “Mahalo,” cuz he do all kine good tings fo da peopo. All da peopo put up dea hands an tell, “Dass it!” Den dey go down an put dea face on top da groun fo show love an respeck fo God.

Songs 119:106

I make one strong promise awready, An now I tell dis one mo time, Dat I goin do Wat I wen promise fo do. I goin do da tings dat you tell Stay right, cuz you da judge.

Songs 50:14

You know wat da real kine sacrifice You suppose to make Fo me, yoa God? You gotta tell me ‘Mahalo!’ Fo wat I do, An wateva promise you wen make to me, Do um. Dass da real kine sacrifice.

Songs 76:11

Do da tings fo yoa God, Da One In Charge, Dat you guys wen make One promise to him fo do. All da nations dat stay aroun Jerusalem, Bring presents fo da One Dey gotta respeck.

Smart Guys 28:4

Da kine peopo dat tink da Rules From God no good, Dey talk good bout bad kine peopo. But da ones dat stay do wat da Rules tell, Dey go agains wat da bad kine peopo do.

Teacha 5:5

Mo betta fo no make one strong promise, den fo make um an no do um.

Census 5:22

I like fo dis watta dat put kahuna on top you, go inside yoa opu, fo make yoa belly swell up an yoa privates come any kine!’ “An da wahine goin tell, ‘Az right! Az how goin be.’

Matthew 10:14

If no mo nobody take you guys in, an dey no like hear wat you tell, den wen you go outa dea, shake da dus off yoa feets.

Jesus Guys 13:51

So Paul an Barnabas shake da dirt from dea feets fo show da peopo dea dat dey had it wit dem. Den dey go Iconium side.

Jesus Guys 18:6

But wen da Jew guys stan up agains Paul an talk harsh kine to him, he shake da dus off his clotheses fo show he had it wit dem, an tell um, “You guys da one goin get da blame wen you guys get cut off from God! I no mo da blame fo dat. From now, I goin talk wit da peopo dass not Jew guys.”

1 Corint 14:16

If you tell inside you how good God stay an you stay use one diffren kine language, an get one guy inside da meeting dat no undastan wat you tell, how he goin tell “Dass right!” wen you tell God, “Mahalo plenny!” wit da odda language? He no can cuz he no undastan.

1 Samuel 15:28

Samuel tell him, “You see?! Da One In Charge stay broke off da Israel peopo from you today, so you not dea king no moa. He goin give dem to anodda king dass jalike you, but dis guy mo betta den you.