Nehemiah 3:14 - Hawaii Pidgin Bible

¹⁴ Da Opala Gate, Rekab boy Malkijah, da one in charge a da Bet-Hakkerem Districk, fix um. Him an his guys fix um one mo time an put up da big doors, da big kine bolt fo lock da doors, an strong bars fo nobody broke down da door.

Nehemiah 3:14 ပူးပေါင်းရင်းမြစ်များ

2 Samuel 4:2

Two guys in Saul boy Ish-Boshet army lead da army guys dat go attack towns wea da peopo stay agains Ish-Boshet an steal stuff. Dey braddahs, Baanah an Rekab. Dea faddah, Rimmon from Beerot town, from da Benjamin ohana. You know, erybody tink dat Beerot, az one Benjamin town inside da Benjamin ohana land.

2 Kings 10:15

Afta Jehu go way from dea, he come by Jehonadab, Rekab boy, dat stay come fo meet him. Jehu tell him, “I like God go do good tings fo you!” Den Jehu aks him, “You stay real tight wit me, jalike I stay real tight wit you, o wat?” Jehonadab tell, “Dass fo shua!” Jehu tell, “If dass how you stay, den give me yoa hand.” So he give um his hand, an Jehu help him fo come up inside da war wagon.

1 Records 6:40

Shimea he Michael boy, Michael he Baaseiah boy, Baaseiah he Malkijah boy,

Nehemiah 12:31

Den I bring da Judah leada guys up on top da wall. I half half da peopo fo make parade an tell God he awesome. Half a dem go da right side on top da wall, all da way to da Rubbish Gate.

Nehemiah 2:13

I go out nite time from da Valley Gate, an ova dea wea can see da Dragon Puka Fo Watta, den I go nea da Rubbish Gate. I check out da Jerusalem town wall dat stay all bus up, an da town gates dat stay burn down.

Nehemiah 3:9

Refaiah Hur boy, dat stay in charge a half da Jerusalem Districk, he fix da nex part a da wall.

Jeremiah 6:1

“Quick! You Benjamin ohana peopo, run, go hide! Run away from inside Jerusalem! Blow da sheep horn trumpet inside Tekoa town! Light da signal fire ova Bet-Hakkerem town! Cuz get bad kine guys stay come from da north side Fo come bus us up an wipe us out!