Nehemiah 2:3 - Hawaii Pidgin Bible

³ But I tell da King, “You da King, an I like you stay live foeva! But how I can stan hea an no stay sad?! Cuz da big town wea my ancesta guys stay bury, stay all bus up. Da main gates fo da town, all burn down.”

Nehemiah 2:3 ပူးပေါင်းရင်းမြစ်များ

1 Kings 1:31

Batsheba go down an put her face on top da groun fo show respeck fo da King. Den she tell, “King David, you my boss! I like you live foeva!”

2 Kings 25:8

Wen Nebukadnezzar stay da Babylon king fo nineteen year, one Babylon guy name Nebuzaradan go Jerusalem side, Augus 14. He work fo da Babylon king, an he da main leada fo da king bodyguard guys.

2 Records 21:20

Jehoram was thirty-two year ol wen he come king, an he stay king Jerusalem town fo eight year. Wen he mahke, nobody feel sad. Dey bury him inside Jerusalem, David big town, but not inside da tombs fo da king guys.

2 Records 28:27

Ahaz mahke an res wit his ancesta guys. Dey bury him inside Jerusalem town, but dey no put him inside da graves fo da Israel kings. His boy Hezekiah come king afta him.

2 Records 32:33

Hezekiah mahke an res wit his ancesta guys. Dey bury him on top da hill wea dey bury da odda guys dat come from David. Wen he mahke, all da peopo inside Judah an Jerusalem show respeck fo him. An Manasseh, Hezekiah boy, come king afta him.

2 Records 36:19

Dey burn down da Temple Fo God an broke down da Jerusalem wall. Dey burn da big houses dat get strong wall, an wipe out eryting nice inside dea.

Nehemiah 1:3

Dey tell me, “Da Babylon king wen take away oua peopo from dea land an bring um ova hea Babylon side. Laytas, plenny peopo wen go back Jerusalem side fo live inside Judah. But tings no stay good ova dea you know. Cuz stay real hard fo dem, an da odda peopos ova dea stay make dem plenny shame. Da Babylon army guys wen broke down da strong wall aroun Jerusalem town, an burn down da gates.

Nehemiah 2:13

I go out nite time from da Valley Gate, an ova dea wea can see da Dragon Puka Fo Watta, den I go nea da Rubbish Gate. I check out da Jerusalem town wall dat stay all bus up, an da town gates dat stay burn down.

Esther 8:6

Cuz I no like see dis real bad kine ting happen to my peopo, an see all my ohana come wipe out.”

Songs 102:14

Cuz yoa worka guys Get love an aloha fo Jerusalem town, No matta ony get rocks ova dea From da bus up houses. Dey get pity even fo da dirt Dat stay all ova da place.

Songs 102:15

Eh! You Da One In Charge! Bumbye, all da diffren nations Goin show plenny respeck Wen dey find out who you fo real kine. Da king guys from all ova da world Goin show plenny respeck Wen dey see how awesome you stay.

Songs 137:6

If I no tink plenny bout Jerusalem, O if I no tink dat Jerusalem da place Wea I erytime stay good inside, Mo den all da odda place, Den I like fo God make my tongue Stick to da top a my mout Fo me no talk!

Songs 38:7

I feel jalike I get one fever inside me, An I stay real hamajang.

Jeremiah 52:12

Da year numba nineteen wen Nebukadnezzar stay king fo Babylon, Augus 17, Nebuzaradan wen go Jerusalem. Him, da main officer fo da Babylon king guard guys.

Sad Song 2:9

Da town gates fall down inside da dirt. Da One In Charge smash da bars fo da gates an wipe um out. Da king an da princes come prisonas an go to odda nations, No mo nobody teach Da Rules From God. Da guys dat talk fo Da One In Charge No see notting jalike dreams from him no moa.

Daniel 2:4

Da kahuna guys tell da king in da Aramaic language, “You da King, an us like you live foeva! We yoa worka guys. Tell us da dream, an we goin tell you wat da dream mean.”

Daniel 3:9

Dey tell da king, “King Nebukadnezzar, we like you live foeva!

Daniel 5:10

Da king muddah hear da noise from da king an da alii guys. She go inside da place wea dey get da party. She tell, “King Belshazzar, I like you stay alive foeva! No worry! No need yoa eye come big!

Daniel 6:21

Den Daniel tell da king, “King Darius, I like you live foeva!

Daniel 6:6

So da odda supavisa guys an all da govnas go togedda in front da king. Dey tell, “King Darius, we like fo you live foeva!

Prieses 26:31

I goin make yoa towns come all bus up, an wipe out da places you make spesho fo yoa gods. I no goin feel good inside notting from da nice smell you guys make wit yoa sacrifices.