Nehemiah 2:20 - Hawaii Pidgin Bible

²⁰ Right den an dea I tell um, “Da God Dat Stay Inside Da Sky, he goin make eryting come okay fo us guys. We work fo him. Az why us guys goin start fo build da wall. You guys no goin do notting cuz dass not yoa kuleana. Yoa peopo no mo da right fo tell wat fo do fo Jerusalem town. Cuz from befo time, you guys neva own dis town an pray hea. Was oua ancesta guys wen do dat.”

Nehemiah 2:20 ပူးပေါင်းရင်းမြစ်များ

2 Records 26:5

All da time Zekariah stay alive, Uzziah make shua he know God. Zekariah teach him how he can see da tings Da One In Charge like show him. All da time dat Uzziah try fo know Da One In Charge, God make eryting go good fo him.

Ezra 4:3

But Zerubbabel, Jeshua, an da odda leada guys fo da Israel peopo tell um, “Dis job fo build da Temple, az fo us guys, not fo you guys. Ony us guys, da ones dat goin build da Temple Fo Da One In Charge, da God fo us Israel peopo. Cuz dass how King Cyrus Persia side wen tell us we gotta do.”

Nehemiah 1:4

“Wen I hear dis, I sit down an cry plenny. Fo days I stay cry, an no eat notting so can pray. I stay pray in front da God dat live inside da sky.”

Nehemiah 2:4

Da King tell, “Wat you like me fo do?” I wen pray inside to da God Dat Stay Inside Da Sky.

Esther 4:11

“Get someting all da king leada guys an palace peopo an all da peopo inside his districks know: Any guy o wahine dat go nea da king inside da palace open lanai, wen da king neva call dem, da king get ony one rule: Dey gotta mahke. Da ony time dey no need mahke, az wen da king poin his gold rod at dem. Dat mean dey goin stay alive. But now thirty days pau awready an da king no call me fo go by him yet.”

Songs 102:17

Wen da peopo dat no mo notting pray, He goin lissen. He no goin tink Da ting dey tell him fo do, ony junk.

Songs 122:6

Tell God fo make eryting go good Fo da Jerusalem peopo. Tell dem, “I like fo da one Dat get love an aloha fo you guys Live so no mo worries.

Songs 20:5

Eh King! Wen God make you win da war, Us guys goin make big noise cuz we stay good inside, An we goin wave flag Cuz we know wat kine god we get. I like Da One In Charge make eryting happen Dat you aks him fo do.

Songs 35:27

Da peopo dat stay good inside Wen da judge tell I okay, I like dem yell Cuz dey feel good inside. I like dem tell erytime, “Da One In Charge, he awesome! Wen eryting go okay fo da guys dat stay work fo him, He stay plenny good inside!”

Songs 51:18

Eh! You Da One In Charge! Try make eryting Come good fo da Zion Hill peopo! An build da walls Aroun Jerusalem town!

Outa Egypt 28:29

“Erytime Aaron go inside da Place Dat Stay Spesho Fo God, he goin carry da names fo da Israel ohanas on top his heart, cuz dey write um on top da ches piece dat dey use wen dey gotta know how fo do da right ting. Aaron goin do dis an tink bout all da Israel ohanas erytime he go in front Da One In Charge.

Teacha 7:18

Mo betta you hang in dea an do da right ting, An no do wass wrong. Da guy dat stay sked a God, He no goin try go too far.

Isaiah 56:5

Fo dose guys dat no can make kids But stay tight wit me, I goin give dem someting Mo betta den get boys an girls. I goin make dem come jalike az my ohana, An give dem one spesho place inside my house. Peopo no goin foget dea name foeva, An nobody goin foget dea name eva.

Prieses 2:2

an take um by Aaron boys, da pries guys. Da pries guy goin take some a da bestes kine flour, enuff fo fill up his hand, wit da oil, an all da incense, an burn um up on top da altar. Az fo help peopo no foget dat da whole sacrifice stay fo me, Da One In Charge. An da smoke from da fire goin go up an make one real nice smell fo me.

Prieses 24:7

On da side a ery stack put some pure incense powda. Dat way, da pries guys no goin burn up da breads. Dey ony goin burn up da incense powda part from da breads. Dat goin help um no foget dat da whole sacrifice wit fire stay fo me, Da One In Charge.

Zekariah 6:14

Da crowns goin stay inside da Temple Fo Da One In Charge, fo help erybody no foget Heldai, Tobijah, Jedaiah, an Hen, Zefaniah boy.

Census 10:10

An wen you guys stay real good inside, wen you guys make da spesho religious kine ceremonies, an da New Moon spesho times, you guys goin blow um long time wit da trumpets ova yoa sacrifices dat you burn up an da sacrifices fo show dat me an you stay good. Dass how da trumpets goin make me no foget you guys. Cuz me, Da One In Charge, I yoa God.”

Jesus Guys 10:31

An he tell, ‘Cornelius, God hear wat you stay pray fo, an he know bout all da money you give to da pooa peopo.

Jesus Guys 10:4

Cornelius eye um up real good an come real sked. He tell, “Yeah, Mista?” Da angel guy tell, “God hear wat you aks him fo do, an he no foget all da money you give to da pooa peopo.

Jesus Guys 8:21

You no can work fo God wit us cuz God see dat you no stay right wit him inside.