Nehemiah 13:28 - Hawaii Pidgin Bible

²⁸ Jehoiada da pries guy, his faddah Eliashib da Main Pries Guy, he had one boy dat marry da daughtah a Sanballat da Horon guy. I throw out da boy an no let um come wea I stay.

Nehemiah 13:28 ပူးပေါင်းရင်းမြစ်များ

Ezra 10:8

Dey tell erybody, “Day afta tomorra, anybody dat no show up hea, da govmen guys an da older leadas goin take away dea land an eryting dey own, an cut dem off from da peopo dat come back from Babylon.”

Nehemiah 12:10

Jeshua was da Main Pries Guy wen dey come back. Afta Jeshua, his boy Joiakim come da Main Pries Guy. Afta Joiakim, his boy Eliashib come da Main Pries Guy.

Nehemiah 12:22

Da time da Persia guy Darius Numba Two was king, da peopo write down who was da leadas fo all da Levi ohanas, an fo da odda pries ohanas. Da names, dey wen use all da time da Main Pries guys was Eliashib, Joiada, Johanan, an Jaddua.

Nehemiah 13:25

I tell dem fo real kine, “Az wrong!” I tell dem off. I bus um up. I even pull out da hair from some a da guys! Den I make dem make one strong promise an aks God fo wipe dem out if dey no do wat dey tell dey goin do. Dis da promise: “You guys no goin let yoa daughtahs marry da guys from da odda peopos. You no goin marry da wahines from da odda peopos, an you no goin let yoa boys marry dem.

Nehemiah 2:10

But wen Sanballat da Horon guy an his helpa Tobiah da Ammon guy find out, dey come real huhu, cuz somebody come ova dea fo do someting good fo da Israel peopo.

Nehemiah 2:19

But wen Sanballat da Horon guy, his helpa Tobiah da Ammon guy, an Geshem da Arab guy find out, dey make fun a us guys, an talk bad bout us. Dey tell, “Wassup?! Wat you guys stay do?! You guys stay go agains da King, o wat?”

Nehemiah 3:1

Da Main Pries Guy Eliashib an da odda prieses start da job. Dey build da Gate Fo Da Sheeps an put up da big doors dea. Den dey make one sacrifice fo make dat place spesho fo God, from da gate to da Towa Fo Da Hundred Army Guys an da Hananel Towa.

Nehemiah 4:1

Wen Sanballat find out dat us guys stay build da wall one mo time, he get real mad, an he make fun a us Jews.

Songs 101:8

Firs ting ery day, I goin wipe out All da peopo inside dis land Dat stay do bad kine stuff. I goin cut off da ones Dat stay do wass wrong Fo dem no live inside da town Wea Da One In Charge live.

Smart Guys 20:26

Da kine king dat throw out all da bad kine peopo, He one guy dat know wat fo do erytime. Az jalike wen da farma guys drive One big heavy wagon Ova da wheat dey harves, Fo da wind blow away da junks.

Smart Guys 20:8

Wen one king sit down on top his throne Fo judge da peopo, Wen he look, he know who da bad kine peopo. Az jalike wen da farma guy clean da wheat o barley An da wind blow away all da junks.