Nehemiah 13:2 - Hawaii Pidgin Bible

² Cuz long time befo, wen da Israel peopo come outa da boonies, da Ammon an Moab peopo neva go out fo meet da Israel peopo an tell um aloha an give um bread an watta. Dey wen pay Balaam fo put one bad kine kahuna on top da Israel peopo. But oua God wen take da bad ting Balaam like do an make um come good.

Nehemiah 13:2 ပူးပေါင်းရင်းမြစ်များ

Songs 109:28

No matta dem guys put kahuna On top me, You goin do good kine stuff fo me. Wen dey attack me, Dey goin come shame, But I goin stay real good inside Cuz I yoa worka guy.

Micah 6:5

“My peopo, No foget wat Balak wen tell Da king fo da Moab peopo, Dat he wen like put kahuna On top you guys! No foget how Beor boy Balaam wen ansa him, Dat Da One In Charge ony goin do good stuff fo you guys! No foget how you guys wen go from Koa Town to Gilgal, Wen me Da One In Charge do awesome stuff Fo help you guys go da odda side a da Jordan Riva. Den you goin undastan dat me, Da One In Charge, Stay do wass right fo you guys erytime.”

Census 23:18

Den Balaam tell da spesho message he get from God: “Lissen up, Balak! Hear me, Zippor boy.

Matthew 25:40

“Me, da King, I goin tell, ‘Dass it! I tell you guys fo shua, wateva you guys wen do fo one a my braddahs, no matta peopo tink da guy not importan, was me you guys do um fo.’

Rules Secon Time 23:3

Nobody from Ammon o Moab o dea kids an grankids can come one a da peopo a Da One In Charge, even if dey wait ten generation.

Rules Secon Time 23:4

Cuz wen you guys stay come outa Egypt, da Ammon peopo neva come out fo meet you guys wit bread an watta. An da Moab guys wen pay Baalam, Beor boy from Petor inside Aram-Naharaim fo put kahuna on top you guys.

Rules Secon Time 23:5

But yoa God, Da One In Charge, get love an aloha fo you guys. Az why he no lissen Balaam. He take da bad ting Balaam like do an make um come good fo you guys.

2 Peter 2:15

Befo time, dem guys go da right way, but den dey wen bag an go da wrong way. Dey wen ack jalike Beor boy Balaam wen ack long time ago. He was one guy dat talk fo God, but he ony like make money real bad, an he do tings dat no was right. Dat time, Balaam stay ride on top one donkey. Da donkey, he no can talk. But God make da donkey talk jalike one guy! Da donkey scold Balaam fo da bad kine stuff he was doing, an try fo make him no do da pupule kine stuff he like do.