Nehemiah 13:15 - Hawaii Pidgin Bible

¹⁵ Dat time, I see anodda ting stay happen Judah side. On da Res Day, I see da peopo stay smashing grape wit dea feets fo make wine, an bringing plenny wheat an putting um on top da donkeys. I see um bringing wine, grape, fig, an all kine heavy stuff inside Jerusalem town on da Res Day. Right den an dea, I tell um “No sell food on da Res Day!”

Nehemiah 13:15 ပူးပေါင်းရင်းမြစ်များ

2 Records 24:19

Da One In Charge sen guys by da peopo fo talk fo him, fo dem bring back da peopo by him. But no matta da guys dat talk fo God tell da peopo fo make shua dey serious bout wat dey do, da peopo no lissen.

Nehemiah 10:31

“Da Res Day, if da peopo dat stay dis land bring stuff fo sell, wheat o watevas, us guys no goin buy um from dem, no matta on da Res Day o on da odda days dat stay spesho fo God. Ery seven year, we no goin work da land. An if somebody owe us money, us goin tell um dey no need pay us back.

Nehemiah 10:32

“We tell we get da kuleana fo erybody pay one third part a one shekel silva ery year fo da Temple Wea Oua God Stay fo do da work dea.

Nehemiah 13:16

Same time, had peopo from Tyre town dat live inside Jerusalem town. On da Res Day dey bring fish an all kine stuff fo sell to da Judah peopo, inside Jerusalem.

Nehemiah 13:21

I talk mean to dem an tell: “Wassamatta you guys?! You no can do how you stay do. How come you guys stay all nite in front da gate?! You do dat one mo time, I put you in jail!” From dat time, dey no come inside da town on da Res Day.

Nehemiah 9:29

“You wen tell da peopo fo wise up, Cuz you like make dem come back An lissen yoa Rules. But dey ack jalike you not fo real. Dey no like lissen da tings You teach dey gotta do, An dey no lissen Wat you tell cuz you da Judge. Dey go do bad kine stuff, Jalike you tell um no do. Cuz wen peopo do wat you tell um, Dey goin live fo real kine. But dem, dey no like change. Dey hard head an no like lissen.

Job 39:12

You shua dey goin bring in yoa wheat an barley, An put um all togedda da place wea you split da junk kine stuff?

Songs 50:7

“Eh! You guys dat know me! Lissen up! You Israel ohana peopo! I goin tell da trut bout you guys! Me, I God— Da God fo you guys.

Outa Egypt 31:12

Den Da One In Charge tell Moses:

Outa Egypt 31:16

Da Israel peopo gotta do wat da Rules fo da Res Day tell, dass you guys, an da peopo dat goin come from you guys afta. Dass da Deal foeva.

Outa Egypt 34:21

“Work six days. Da day numba seven, you gotta res, no work. No matta time fo plow da groun o harves da food.

Outa Egypt 35:2

Get six days you can work. Da day numba seven, you goin res an no work notting. Dat day, spesho fo Da One In Charge. Anybody dat work dat day, gotta kill um.

Smart Guys 28:4

Da kine peopo dat tink da Rules From God no good, Dey talk good bout bad kine peopo. But da ones dat stay do wat da Rules tell, Dey go agains wat da bad kine peopo do.

Isaiah 58:13

“You guys gotta make da Res Day spesho fo me. An no go any place mo far den you suppose to go, An no jus do wateva you like do dat day, Cuz da whole day stay spesho fo me. You guys gotta tell peopo Dat da Res Day make you feel good inside, An dat stay spesho ony fo me, Da One In Charge, Fo show respeck fo me lidat. Dis, how you goin show respeck fo da Res Day: You no goin do stuff yoa way dat day. You no goin look fo ony da kine stuff you like do. You no goin talk any kine wase time stuff,

Jeremiah 17:24

“Den Da One In Charge tell: ‘But if you guys lissen me fo real kine, you no goin bring stuffs inside da gates fo dis big town on da Res Day. Make dat day spesho fo me, an no work on da Res Day!

Jeremiah 17:27

But if you no lissen wat I tell you fo do, an no make da Res Day spesho fo me, wen you come inside da Jerusalem gates an carry stuff wit you on da Res Day, den I goin burn up da Jerusalem gates wit one fire dat no mo nobody can pio. Da fire goin wipe out da strong wall all aroun Jerusalem.’ ”

Jeremiah 42:19

“You Judah guys dat still stay hea, Da One In Charge wen tell you guys awready, ‘No go Egypt side!’ You guys gotta know fo shua right now, dat I wen tell you fo watch out awready.

Ezekiel 20:13

But da Israel ohana wen go agains me inside da boonies. Dey no live da way I tell um dey gotta live, an dey bag from wat I tell um bout wass right an wass wrong. Cuz whoeva lissen my rules, dey goin stay alive if dey do um. An da Israel ohana guys make all my Res Days come real pilau. So I wen tell dat I goin stay huhu wit dem an wipe um out ova dea inside da boonies.

Amos 8:5

You guys, dis wat you tink, aah? ‘Us guys no like wait fo da new moon time Wen da religious kine ceremonies all pau! Cuz us guys like sell food. But no can, till da religious kine ceremonies all pau! An us guys no like wait fo sell da wheat Till da Res Day pau. Us guys goin make uku pile a money, Cuz da measure us guys use, Goin be mo small den suppose to be. We goin take da money from da peopo Fo mo den wat dey suppose to pay. Den, wateva dey buy, We goin jam up da scale too.

Micah 6:3

Eh, my peopo, Wat I wen do agains you guys, aah?! Wat kine stuff I wen do Fo make you guys tell me az why hard?! Tell me da ansa!

Jesus Guys 2:40

Peter tell dem plenny mo stuff, an beg um, “Let God take you outa da bad kine stuff dat da odda peopo stay do now.”

Jesus Guys 20:21

I tell da Jew guys an da peopo dass not Jew, dat dey gotta change an tell God dey sorry an like pau do all da bad kine stuff dey stay do, an no do um no moa. Dey gotta trus Da One In Charge a us guys, Jesus.

Galatia 5:3

Now I goin tell erybody one mo time: Whoeva cut skin fo dem get um right wit God, dey gotta do eryting da Rules tell fo come good.

Efesus 4:17

I get da right fo tell you guys dis cuz Da One In Charge make me his guy: No make no mo jalike da odda kine peopos all ova da world dat donno God. How dey ack, dey ony do stuff dass wase time.

Rules Secon Time 8:19

“Maybe you guys foget oua God, dass Da One In Charge a us, an come tight wit odda gods, do stuff fo dem, an go down in front dem fo show respeck. If you guys do dat, I tell you guys today fo real kine dat you goin come wipe out.

1 Tessalonika 4:6

Az why fo all dis kine stuff bout da guys an da wahines, you guys betta not go buckaloose an cheat yoa braddah o sistah. Cuz Da One In Charge, he goin punish you guys if you do dat kine bad kine stuff. Dass jalike we wen tell you guys befo time. We wen tell you guys fo real kine, “You guys betta not fool aroun nobody!”