Nehemiah 13:14 - Hawaii Pidgin Bible

¹⁴ Eh my God! No foget dis ting I wen do cuz I stay tight wit you! No wipe out da good tings I wen do fo da Temple Fo My God an fo take kea da place!

Nehemiah 13:14 ပူးပေါင်းရင်းမြစ်များ

2 Kings 20:3

“Da One In Charge! Try no foget, dat all da stuff I do, I no hide um from you. I try erytime fo be da kine guy you can trus, an do eryting I promise fo do. I wen try fo make shua I do ony da kine stuff dat you tell az good.” Den Hezekiah cry real hard.

1 Records 29:3

An fo real kine I like go all out fo give my stuffs, my gold an silva, fo da Temple fo my God, mo den da odda stuffs I wen make ready fo dis Temple dat goin stay spesho fo God.

2 Records 24:16

Dey bury him wit da king guys inside Jerusalem, David big town, cuz he wen do good kine stuff inside Israel fo God an his Temple.

Ezra 7:20

An if you need odda tings fo da Temple fo yoa God, go use some a da tax money dat da govmen guys take fo me, da King.

Ezra 7:24

An one mo ting: Fo da pries guys, dea helpa guys from da Levi ohana, da music guys, da security guards, da worka guys inside da Temple, o odda guys dat stay work fo God Temple, you govmen guys no mo da right fo tell dem dat dey gotta pay da regula tax o da tax you pay fo bring tings from odda places, o da land tax.

Ezra 7:27

Den Ezra tell: “I like tell erybody good tings bout Da One In Charge, da God fo oua ancesta guys. He da One dat wen make King Artaxerxes help fix da Temple Fo Da One In Charge, Jerusalem side, an make um real nice!

Nehemiah 13:22

I tell da Levi ohana guys fo make da sacrifices fo dem work fo God, den come an be security guards by da gates fo make shua da Res Day stay spesho fo God. Eh my God, try no foget dis ting I wen do, an tink good bout me! Let me go, an no hurt me, Cuz you stay tight wit yoa peopo foeva!

Nehemiah 13:31

I make shua dat da peopo bring da pries guys wood fo burn da sacrifices, wen dey suppose to make one sacrifice. I make shua dey get da bestes stuff dat da peopo harves from wat dey wen plant. Eh my God! No foget me! Do good tings fo me.

Nehemiah 5:19

Dis how I stay pray: “My God, no foget do good tings fo me Cuz a all da good tings I stay do fo dis peopo!”

Isaiah 38:3

“Bummahs! You Da One In Charge! Try no foget all da stuff I wen do! I no hide um from you. I da kine guy you can trus, an do eryting I promise fo do. I try fo make shua I do ony good kine stuff dat you tell az good.” Den Hezekiah cry plenny.

Hebrews 6:10

God, he erytime do da right ting. Az why he no goin foget how plenny you guys wen work fo him, an how you guys wen show him love an aloha cuz you know who him. An you guys wen kokua God spesho peopo, an still yet you guys stay kokua dem.

Jesus Show 3:5

Erybody dat fight an win ova da bad kine stuff, Dey goin wear clean white kine clotheses lidat. I no goin wipe out dea name eva From da Book Dat Tell Who Get Da Real Kine Life! I know dea names, An I goin tell my Faddah an his angel guys Dat dose guys, dey my guys.