Nehemiah 12:46 - Hawaii Pidgin Bible

⁴⁶ Was jalike da time David was King an Asaf was one a da prieses. Had one leada guy fo da singas, an dey make plenny songs fo tell God dat he da greates, an fo tell him “Mahalo!”

Nehemiah 12:46 ပူးပေါင်းရင်းမြစ်များ

1 Records 9:33

Da guys dat make da music, da leada guys fo da Levi ohanas, dey stay inside da rooms fo da Temple. Dey no gotta do odda stuff, cuz dey get da kuleana fo do dea job day time an nite time.

2 Records 29:30

King Hezekiah an his leada guys tell da Levi guys fo tell good tings bout Da One In Charge, an use da words dat David an Asaf, da guy dat can see wass goin happen, wen use. Az why dey sing bout how good Da One In Charge stay, till dey stay good inside. An dey bow dea head an go down fo show love an respeck fo Da One In Charge.

Nehemiah 11:17

Mattaniah, Mika boy, wit ancestas Zabdi an Asaf, was da leada dat help da peopo start fo tell God “Mahalo plenny!” an pray to God, an His helpa guy was Bakbukiah, an had Abda Shammua too wit ancestas Galal an Jedutun.

Songs 137:4

You tink us can sing Bout Da One In Charge Inside anodda country Dass not oua country, o wat?! No can!

Songs 73:1

Fo shua, God do good tings Fo da Israel peopo, Fo da ones dat stay clean inside.

Songs 83:1

God, no jus say notting! No go easy! No hold back fo do someting, God!