Nehemiah 12:44 - Hawaii Pidgin Bible

⁴⁴ Dat same day, us guys wen give guys dea jobs. Some take kea da rooms an da storage places, some take da gifs dat peopo bring, oddas take da bestes stuff dat da peopo harves from da groun an bring to da Temple jalike da Rules From God tell fo da pries guys eat. Da peopo bring stuff from da fields aroun da small towns too fo da Levi ohana peopo. All da Judah peopo stay real good inside cuz a da pries guys an da Levi ohana guys dat help da prieses.

Nehemiah 12:44 ပူးပေါင်းရင်းမြစ်များ

1 Records 23:28

Da Levi guys get da kuleana fo help da guys dat come from Aaron fo work inside da Temple Fo Da One In Charge. Dey stay in charge a da open lanais an da side rooms, fo make clean all da stuff dat stay spesho fo Da One In Charge, an fo do odda work inside God house.

1 Records 26:20

Get odda Levi guys stay in charge a da places wea dey keep da rich kine tings fo da Temple Fo God, an da places wea dey keep da tings dat stay spesho fo God.

1 Records 9:26

Da four main guys in charge fo guard da gates, dey from da Levi ohana. Dey get da kuleana fo make shua da security guard guys take kea da rooms an da rich kine stuff inside God house.

Nehemiah 10:36

We goin bring oua numba one boy an da firs animal dat born from oua animals, jalike stay write inside da Rules from God. We goin bring da firs animals dat born from ery cow an sheep an goat to da Temple Wea Oua God Stay, an give um to da pries guys dat stay work dea inside da Temple Fo Oua God.

Smart Guys 8:34

Whoeva lissen me all da time, An come in front my door wait fo lissen ery day, An come stay by da door, Wea dey can spock me wen I come outside, Dey can stay good inside!

Isaiah 40:31

But da peopo dat wait fo Da One In Charge help dem, Dey goin change fo dem come mo strong still yet. Dey goin fly up jalike da eagle Wit dea wide wing. Dey goin run an no come tired. Dey goin walk an no come wore out.”

Census 3:10

Aaron an his boys, make um dea kuleana fo be da pries guys. Any odda guy like make jalike one pries, kill um.”

Rome 12:7

If God give you da powa fo kokua odda peopo, den go kokua odda peopo. If he give you da powa fo know how fo teach odda peopo, den go teach odda peopo.

Rules Secon Time 18:8

He goin get da same food wit dem fo eat from wat da peopo bring fo da Levi ohana guys. Az okay fo him get silva fo sell stuff dat stay da property a his ohana.