Nehemiah 10:37 - Hawaii Pidgin Bible

³⁷ Us guys goin bring da bestes stuff we get—flour fo make bread, da money we goin give, da fruits from all da trees, da wine an olive oil. We goin bring um by da pries guys, an put um inside da store rooms inside da Temple fo oua God. We goin give ten percent from all da stuff dat grow on top oua land fo da guys from da Levi ohana, cuz az da Levi guys dat get da right fo use all da ten percent from da small towns wea dey work.

Nehemiah 10:37 ပူးပေါင်းရင်းမြစ်များ

2 Records 31:6

Da guys from Israel an Judah dat live inside da Judah towns bring ten percent a dea cows, sheeps, an goats, an ten percent a da tings dey wen make spesho fo dea God, Da One In Charge, an dey make plenny big pile stuffs.

Nehemiah 13:10

Den I find out da guys in charge a da stuff peopo bring to da Temple, dey neva give da Levi ohana guys dose tings. Cuz a dat, da Levi ohana guys an da singa guys, dat help da odda peopo show love an respeck fo God, dey neva stick aroun cuz dey gotta work inside dea fields.

Nehemiah 13:12

Afta dat, all da Judah peopo bring da ten percent a da wheat an wine an olive oil dey get. Dey put um all inside da storage places inside da Temple.

Nehemiah 13:5

Elishiab wen fix up fo Tobiah, one big room inside da Temple. Befo time, inside dat room dey stash da wheat dat da peopo bring to da Temple, an da incense, da spesho dishes, an da ten percent a da wheat, wine, an olive oil. Cuz God wen tell da peopo fo give all dat to da Levi ohana peopo, an da singa guys, an da security guard guys. He tell um fo give stuff to da pries guys too. All dat, dey stay stash inside dat room.

Nehemiah 13:9

Den I tell da pries guys fo make one sacrifice fo me use da storage rooms fo God one mo time. Den I bring back all da bowls an tings fo da Temple Fo God, an da incense an da wheat fo make sacrifice.

Outa Egypt 13:12

So wen you get dea, da firs bebe boy dat born from ery wahine, you gotta make um all spesho fo Da One In Charge. Same ting fo da numba one boy kine animal dat born from ery muddah animal you get, goin be fo Da One In Charge.

Outa Egypt 13:2

“From now, fo da Israel peopo, da numba one boy dat born from ery wahine, make um spesho fo me. Same ting fo da peopo an fo da animals. Da firs one dat come out from da muddah, az fo me.”

Prieses 23:17

From wea eva you guys live, ery house an dea ohana gotta bring two breads you make from four poun fancy kine flour from da inside a da wheat. Make um wit yeast. Den give um to da pries guys fo him make da kine sacrifice you lif up fo me, Da One In Charge.

Malakai 3:10

“Go bring all da ten percent you owe me Inside da temple storage place. Den goin get food inside my house. So, try see if I fo real bout all dat! See if I no goin open da windows inside da sky An pour down fo you guys plenny good tings, Too plenny fo you guys handle! Me Da One In Charge, Da God Ova All Da Armies, an dass wat I tell.

Malakai 3:8

Da One In Charge tell, “You guys tink anybody can steal someting from God, o wat? No way! Cuz you da ones dat stay steal stuff from me, you know.” But you guys tell, “How us guys stay steal from you?!” Da One In Charge tell, “You guys owe me ten percent a eryting you get, an odda gifs, you know. Wen you guys no pay, you stay steal from me!

Census 18:15

Da firs one born from ery wahine an animal dat dey bring by me, Da One In Charge, dat stay fo you. But you gotta buy back ery firs boy dat born from da peopo, an from da kine animals da peopo not suppose to eat.

Census 18:18

Dea meat stay fo you, even da ches meat from da sacrifice you lif up, an da right thigh.

Census 18:21

“I give da Levi ohana all da ten percent a da stuff da Israel peopo give me. Dass goin be dea property, fo da work da Levi ohana guys do by da Tent Wea Da Peopo Meet Me.

Rome 11:16

Eh, you know, if you take one small piece bread, an give um firs to God, den da whole bread stay spesho fo him. An if you give da root from one tree to God, da whole tree stay spesho fo him too.

Rules Secon Time 14:22

You guys gotta put on da side ten percent a da food you harves from inside yoa field ery year.

Rules Secon Time 18:4

You guys goin give dem da firs wheat an barley dat you harves, da new wine, da firs olive oil dat you press, an da firs wool from yoa sheeps wen you cut um.

Rules Secon Time 26:2

Den wen you start fo bring in food from da land God stay give you guys, take some a da firs tings you guys harves from ery kine food, an put um inside one basket. Den go by da place God, Da One In Charge, goin pick fo his name stay dea.