Nehemiah 10:33 - Hawaii Pidgin Bible

³³ Da silva, dass fo pay fo da breads dey put in rows on top da table inside da Temple, an da wheat flour dey give fo make one sacrifice, an fo buy da animals dey burn up ery day fo make sacrifice, an fo da spesho kine sacrifices fo da Res Day ery week an ery month, an da sacrifices fo da spesho times wen erybody come togedda, an fo pay fo da gifs dat stay spesho fo God, an fo pay fo da sacrifices dey make wen da Israel peopo do someting bad, fo make um right, an fo pay fo all da work us guys gotta do fo da Temple Fo Oua God.

Nehemiah 10:33 ပူးပေါင်းရင်းမြစ်များ

2 Records 2:4

Now I goin start fo build one temple so erybody goin know wat kine god my God, Da One In Charge. I goin make da temple spesho fo him. Da pries guys goin burn incense dat smell nice in front him. Dey goin put out da spesho bread in rows ery day. Dey goin make one burn up kine sacrifice ery morning an ery aftanoon. Dey goin do dis ery week fo da Res Day, an ery new moon time, an fo da spesho religious ceremonies fo oua God, Da One In Charge. Dis goin be da kuleana fo da Israel peopo foeva.

Outa Egypt 30:16

Take da silva dat da Israel peopo pay fo me hemo dea shame, an use um fo da work dat da pries guys do inside da Tent Wea I Come Togedda Wit You Guys. Wen dey pay dat money, da Israel peopo no goin foget dat dey wen pay um in front me, Da One In Charge, fo make um come pono wit me.”

Colosse 2:16

Az why no let nobody poin finga you guys fo wat you guys eat an drink, an fo how you guys make spesho religious kine days: dass da holidays, da traditions, an da Res Days.

Hebrews 10:11

An anodda ting, ery day all da pries guys do dea work fo God. Ova an ova dey make da same kine sacrifices. But you know, dose sacrifices no can get throw out da bad kine stuff, eva.