Nahum 3:7 - Hawaii Pidgin Bible

⁷ Erybody dat see you Nineveh peopo Goin run away from you an tell, ‘Nineveh stay all bus up! No mo nobody goin stay sad bout Nineveh!’ No can find nobody goin make you guys feel mo betta inside!”

Nahum 3:7 ပူးပေါင်းရင်းမြစ်များ

Isaiah 51:19

Dese two bad tings wen happen To you Jerusalem guys, No mo nobody fo help you Fo wat wen happen, An you feel sore inside. You guys stay all bus up, An wipe out, An no mo notting fo eat, An dey kill you guys wit swords. How I can give you guys good kine words Fo make you feel good?! No can!

Jeremiah 15:5

Da One In Charge tell: “Who goin show pity fo you Jerusalem peopo? Nobody! Who goin cry fo you guys cuz dey stay sad inside? Nobody! Who goin go by you an aks how you stay? Nobody!”

Jeremiah 50:18

Az why Da One In Charge, da God Ova All Da Armies, da God fo da Israel peopo, tell dis: “Me, I stay ready fo punish da Babylon king an his land, Jalike I wen punish da Assyria king.

Jeremiah 51:9

“Da peopo from anodda place dat live Babylon side tell, ‘We wen try fo make da Babylon peopo come good. But dey no can come good. Mo betta us bag from Babylon An go back oua land. Cuz wen God punish da Babylon peopo, He goin do um big time, Jalike he pile um up all da way to da sky, To da top a da clouds!’

Sad Song 2:13

No mo notting I can tell fo help you guys! You Jerusalem peopo, no mo nobody stay suffa jalike you guys suffa! I no can talk bout wat happen to odda peopo, Fo help make you guys feel mo betta! Yoa cut stay real deep, jalike da ocean. Who goin make you come good?! Nobody!

Nahum 1:1

Da One In Charge show Nahum from Elkosh town someting jalike one dream, bout wat goin happen to da Assyria peopo dat live Nineveh town.

Zefaniah 2:13

An Da One In Charge goin use his powa agains da peopo north side too. He goin wipe out da Assyria peopo. Wen he pau, dea main town Nineveh goin stay wasted An all dry jalike da boonies.

Census 16:34

Wen da Korah guys yell, all da Israel peopo aroun dem run away an yell, “Da earth goin swallow us guys too!”

Jesus Show 18:10

Dey goin stan far away, cuz dey real sked wen dey see da Babylon peopo suffa. An dey goin tell, “Horraz! Horraz! Babylon, da big town wit plenny powa! An in one hour, you wen come wipe out!”