Nahum 3:6 - Hawaii Pidgin Bible

⁶ I goin throw opala all ova you, Fo show you no worth notting, An make you somebody fo erybody look at.

Nahum 3:6 ပူးပေါင်းရင်းမြစ်များ

Job 30:19

Jalike God throw me down in da mud, An I come jalike dirt an ashes.

Job 30:8

Dey stupid, an no mo nobody know dea name. Peopo wack um an push um outa da land.

Job 9:31

You goin dump me inside one pilau pit. Den even my clotheses goin tink I pilau.

Jeremiah 51:37

Babylon goin come one big pile a rocks from da ol buildings, One place wea da jackal kine wild dogs can hide. I goin bus up dis big town so no get notting dea, An peopo goin come shock wen dey see Babylon. An no mo nobody goin live ova dea.

Sad Song 3:16

Jalike he push my face in da gravel an broke my teets. An push me down inside da dirt.

Ezekiel 16:37

Az why dis wat I goin do wit you Jerusalem peopo. I goin bring togedda all da guys you wen fool aroun wit, da ones dat wen like you, all da ones you wen love an all da ones you wen hate. I goin bring dem from all ova agains you. I goin take yoa clotheses off fo shame you in front erybody, an dey goin see eryting.

Nahum 1:14

Da One In Charge tell wat fo do bout you Nineveh peopo: “You guys no goin get kids fo carry yoa name! I goin wipe out da idol kine god statues Dat you guys cut from wood an stone, An da kine gods you guys melt from metal, Dat stay inside da temples fo yoa gods. I goin make yoa graves ready, Cuz you guys stay do stuff dass good fo notting!”

Habakkuk 2:16

You da ones goin lose face! No way wat you do Goin make you guys look awesome! Now az time fo you guys suffa! So drink, an show erybody Dat you no mo da cut skin mark Dat da peopo a Da One In Charge get! Da One In Charge goin use his powa Fo make you drink from his cup. Dat mean you goin get plenny trouble! Befo time, you guys was awesome, but now you shame ony!

Zefaniah 2:15

Dis da big town wea da peopo wen stay amp out. Dey figga dey safe dea. Dey tell each odda, “Us guys, Numba One! No mo nobody stay jalike us!” But bummahs! Dea big town wen come all bus up. Ony get wild animals live ova dea! Erybody dat walk by um Ack sked an feel good cuz da town gone awready!

Malakai 2:2

Dis wat Da One In Charge, Da God Ova All Da Armies tell: “Maybe you guys goin make deaf ear, an no like lissen fo show respeck fo me, no matta you know wat kine god me. Den I goin put kahuna on top you guys. Even da good tings I wen do fo you guys, I goin put kahuna fo make all dat come bad fo you guys. Dass cuz you guys no go all out fo show respeck fo me, no matta you know wat kine god me!

Malakai 2:3

Cuz a wat you guys do, I goin tell da ones dat come from you guys az wrong wat dey do. I goin take da doodoo from da guts a da animals dat you kill fo da spesho religious ceremonies an rub um all ova yoa face. Den da pries guys goin throw you guys out wit da opala from da sacrifices.

Malakai 2:9

An I goin make erybody tink you guys pilau, an make you guys come shame. Cuz wit you guys, no mo nobody do da tings da way I tell um fo do um! Wen you guys teach da peopo wat da Rules From God mean, you tell um diffren kine fo diffren peopo!” Dass wat Da One In Charge, Da God Ova All Da Armies, tell.

1 Corint 4:13

Wen dey talk bad bout us, we talk good to dem. Dey tink us guys pilau. We jalike da rubbish from da world dat dey like throw way.

1 Corint 4:9

Us guys dat God wen sen all ova da place fo tell peopo bout Christ. I tink bout us guys lidis: God wen put us guys at da end a da line, jalike prisonas ready fo mahke. We jalike one show fo da peopo inside da world, an fo da angel messenja guys too.

Hebrews 10:33

Had times da peopo wen talk any kine to you guys in front erybody, an dey wen make you guys suffa plenny. Odda times da peopo wen make same kine to yoa frenz, an you guys wen stay tight wit yoa frenz.

Jude 1:7

An same ting wit da peopo from Sodom an Gomorrah an all da odda towns aroun dea. Dey buckaloose an dey make all kine sex wit anybody. God use dem fo show erybody dat if he gotta punish somebody, he can punish um foeva wit fire.