Nahum 3:4 - Hawaii Pidgin Bible

⁴ All dis happen cuz da Nineveh peopo jalike one hoa. She look nice, but she put kahuna on top peopo. Da nations come her slaves Cuz she fool aroun wit dem, An da ohanas come her slaves Cuz she put kahuna on top dem.

Nahum 3:4 ပူးပေါင်းရင်းမြစ်များ

Isaiah 47:8

“Now lissen, you Babylon guys! You guys, jalike one wahine Dat tink she get eryting nice An can do wateva she like, Cuz no mo nobody goin hurt her. Jalike you stay tink: ‘Me, I da ony one! No mo nobody jalike me! I no goin come one widow An my kids no goin mahke.’

Isaiah 47:9

But one day, same time, two tings goin happen: You goin come one widow, An yoa kids goin mahke. No matta you do kahuna kine stuff, An you use plenny magic kine words, Still yet dey goin come mahke die dead!

Ezekiel 16:35

“ ‘Eh, you Jerusalem peopo dat fool aroun wit da odda gods jalike one hoa! Lissen wat me Da One In Charge, da Boss, tell!

Jesus Show 18:23

No mo light from da lamp goin shine inside yoa town one mo time. No mo bride an groom. Yoa trader guys was da mos importan guys inside da world! But you wen make da diffren peopos all ova da world go da wrong way!

Jesus Show 18:9

Az why da kings from all ova da world dat wen fool aroun wit da Babylon peopo, an dat wen do any kine bad kine stuff wit dem, dey goin see da smoke from da fire dat stay burn dat town. Dey goin cry an come sad inside.