Nahum 3:3 - Hawaii Pidgin Bible

³ Da army guys make dea horses run fas. Dey swing dea swords. Dea spears shine. Plenny peopo mahke. Mahke bodies all ova da place! No mo nobody can count um. Erybody trip an fall down ova um.

Nahum 3:3 ပူးပေါင်းရင်းမြစ်များ

Start 3:24

Afta God throw um out, he put spesho angels watcha tings dat stay alive ova dea on da east side a da place he wen plan, Eden side. He put one sword dea too, wit fire dat come out, an dat move all aroun fo nobody go nea da Tree Dat Make You Live Foeva.

2 Kings 19:35

Dat same day, nite time, one angel messenja guy from Da One In Charge go out inside da Assyria army camp. He kill 185,000 guys inside dea. Wen da Assyria guys dat no mahke get up da nex morning, get all da mahke bodies all ova da place!

Isaiah 34:3

Da peopo goin throw da guys dey kill outside da town, Cuz dea mahke bodies goin be haunas. Da mountains goin get blood soak inside da groun.

Isaiah 37:36

Den one angel messenja guy from Da One In Charge go out fo fight. He kill 185,000 army guys inside da Assyria camp. Wen da odda peopo ova dea get up early da nex morning, get plenny mahke bodies all ova da place!

Isaiah 66:16

Da One In Charge goin use da fire an his sword Fo punish all da peopo jalike one judge. Da One In Charge goin wipe out plenny peopo.

Ezekiel 39:4

You an all yoa army guys, an da odda peopos wit you, goin fall down mahke on top da Israel mountains. I goin make you guys mahke bodies come food fo all kine scavenja birds an wild animals.

Prieses 26:37

You goin fall down on top each odda, jalike you stay running away from guys wit swords, no matta nobody stay chase afta you. An you guys no get da powa fo even stan up in front da guys dat stay agains you guys.

Nahum 2:4

Da war wagons run aroun inside da big town jalike dey pupule. Dey go an come fas aroun da open places. Dey look jalike burning torches. Dey go fas jalike lightning.

Habakkuk 3:11

Da sun an da moon no move inside da sky Wen yoa arrows shine an go flying, An yoa spear shine an go fas jalike lightning.