Nahum 3:19 - Hawaii Pidgin Bible

¹⁹ No mo notting can make yoa sword cut come good. You stay hurt, an you goin mahke. Erybody stay suffa Cuz you wen ack real mean erytime! Az why erybody dat hear bout you Clap dea hands fo show dey feel good Cuz you wen come wipe out!

Nahum 3:19 ပူးပေါင်းရင်းမြစ်များ

Job 27:23

Jalike da wind clap hands an make fun a dem, An hiss wen he blow um outa dea place.”

Isaiah 37:11

Tink bout dis: You awready wen hear wat us king guys Assyria side an oua army guys wen do to all da odda countries. We wen wipe um all out fo give dea land to oua god. So, you tink you goin get outa dat?! No way!

Isaiah 37:18

“You, Da One In Charge! An az true dat da Assyria king guys wen go wase all da diffren countries an dea land,

Jeremiah 10:22

You know wat?! Get news: One big army stay coming From da land north side! Soun jalike one earthquake! Da army stay come Fo bus up all da Judah towns, Fo ony da jackal kine wild dogs live hea.”

Jeremiah 30:12

Dis wat Da One In Charge tell da Mount Zion peopo: “You guys all bus up, An no mo notting goin make you come good. Da way da armies wack you, You goin stay sick, an you no goin come good.

Jeremiah 46:11

“You Egypt peopo, You weak, jalike one young girl, Go up Gilead side An try get medicine from dea. But wase time you try fo get all kine medicine! Cuz no way you goin come good!

Sad Song 2:15

All da odda peopo dat pass by you Jerusalem guys, Dey clap hands fo make fun a you guys. Dey shake dea head fo show dey no mo respeck fo you. Dey tell, “Ahanas! Dis da big town dey call ‘Da Beautiful Place,’ o wat?! Dis da place dat peopo all ova da world stay good inside Wen dey tink bout um, o wat?!”

Ezekiel 25:6

Cuz dis wat me Da One In Charge, da Boss, tell: You guys wen clap yoa hands, stamp yoa feets, an dance an sing, cuz you hate da peopo from da Israel land, an stay good inside wen all dat bad kine stuff happen to dem.

Jonah 1:2

“No wait! Go Nineveh town now, da main town Assyria side. Tell all da peopo ova dea, I know awready all da pilau kine stuff dey stay do.”

Micah 1:9

Cuz nobody can make Samaria town Come good Cuz stay all bus up. Now da Judah peopo suffa too. Da army guys dat stay agains us guys stay by oua gate awready By Jerusalem, da big town.

Jesus Show 13:7

He get da powa fo fight one war agains da peopo dat stay spesho fo God, an win, an fo take charge all da ohanas, all da diffren peopos, all da diffren language, an all da countries all ova da world.

Jesus Show 17:2

Da kings all ova da world fool aroun wit her. An da peopo dat live inside da world, she make um do any kine, jalike she make um come real piloot, cuz dey fool aroun wit her.”

Jesus Show 18:20

Den I hear dis: “Eh! All you peopo dat stay wit God inside da sky, Stay good inside bout wat wen happen! God spesho peopo, an da guys dat God wen sen all ova, An da guys dat talk fo God, Stay good inside! Da Babylon peopo wen make any kine to you guys, But God wen come fo judge dem!”