Nahum 3:18 - Hawaii Pidgin Bible

¹⁸ Bummahs, you king fo da Assyria peopo! Da guys dat take kea yoa peopo, jalike dey stay sleep. Yoa alii guys stay res. Yoa peopo stay scatta all ova da mountains. No mo nobody goin bring dem back togedda.

Nahum 3:18 ပူးပေါင်းရင်းမြစ်များ

1 Kings 22:17

Den Mikaiah tell, “I see, jalike was one dream, All da Israel guys running all ova da hills, Jalike sheeps dat no mo sheep guy fo take kea dem. Da One In Charge tell me, ‘All dis guys, no mo boss fo dem. Let um all go home, An let eryting come good fo dem.’ ”

Outa Egypt 15:16

Dey so much sked an shaking, dey donno wat fo do. Cuz a you, you strong. Dass why dey no move notting. Dey jus stan dea jalike one stone an no talk notting, Till yoa peopo go all da way da odda side, Da One In Charge, Till da peopo go da odda side, Dey da ones you wen free up!

Isaiah 13:14

“Den, jalike wen peopo chase da small deer, An jalike wen da sheep no mo nobody dat keep um togedda, Erybody goin go back by dea peopo. Dey all goin run away to dea land.

Isaiah 47:1

Go sit down on top da dirt, You Babylon town peopo! You Babylon guys was jalike One beautiful young princess. But now, you gotta go sit down on top da groun, Cuz now you no mo throne an no mo king. Az why nobody goin tink you make nice to peopo An you no need work.

Jeremiah 50:18

Az why Da One In Charge, da God Ova All Da Armies, da God fo da Israel peopo, tell dis: “Me, I stay ready fo punish da Babylon king an his land, Jalike I wen punish da Assyria king.

Jeremiah 51:39

Wen da Babylon peopo all stay amping out, Me, Da One In Charge, goin make one big party fo dem. An dea, I goin make dem come all piloot an wasted, Dey goin all pass out sleep foeva, An no wake up.” Az wat Da One In Charge tell.

Jeremiah 51:57

I goin make um come piloot—dea leada guys, Dea guys dat erytime know wat fo do, An dea govna guys, dea govmen guys, an dea army guys too. Dey all goin go sleep foeva, an no wake up.” Az wat da king tell, Da One dat get da name “Da One In Charge, da God Ova All Da Armies.”

Jesus Show 6:15

Den erybody all ova da world, da king guys, da odda leadas, da army bosses, da rich peopo, da guys dat get powa, an all da slave guys, an da guys dat not slaves, dey all go hide inside da caves, an unda da rocks on top da mountains.