Nahum 3:17 - Hawaii Pidgin Bible

¹⁷ Yoa guard guys, jalike grasshoppas. Yoa military guys, jalike plenny grasshoppas. Wen come cold dey sit on top da walls. But wen da sun come out, dey fly away. No mo nobody know wea dey go.

Nahum 3:17 ပူးပေါင်းရင်းမြစ်များ

Jeremiah 51:27

“Put up one flag inside da Babylon land! Blow da sheep horn trumpet Fo tell da diffren peopos time fo attack! Make da peopos come spesho fo me Fo dem fight Babylon! Call dese peopos fo go agains Babylon: Ararat, Minni, an Ashkenaz. Pick one officer guy fo take charge agains Babylon. Sen plenny horses jalike az plenny locust kine grasshoppas.

Ezekiel 31:12

So da nation dat stay mo mean den all da odda nations, dey cut down da big cedar tree an leave um ova dea. Da branches fall down on top da mountains an inside all da valleys. Da branches broke an lay inside all da gulches all ova da land. All da peopos on top da earth come outa da shade an bag from dea.

Nahum 2:9

Rip off da silva! Rip off da gold! Nobody can count all da rich kine stuff! Fo shua dey stay rich inside Nineveh town!

Jesus Show 9:7

Da kine grasshoppas, dey look jalike horses, all ready fo fight one war. On top dea head dey get someting jalike one gold crown. Dea face look jalike peopo face.