Nahum 3:10 - Hawaii Pidgin Bible

¹⁰ But da Nineveh peopo even make da Thebes peopo come prisonas. An sen dem far away. Da Nineveh guys smash da small kids from Thebes an kill um All ova da town. Dey pull straw fo who goin get da Thebes alii guys fo dea slave. Dey tie up all da Thebes leada guys wit leg chains.

Nahum 3:10 ပူးပေါင်းရင်းမြစ်များ

2 Kings 8:12

Hazael aks, “Boss, how come you stay cry?” Elisha tell, “Cuz I know fo shua, bumbye you goin do bad tings fo hurt da Israel peopo. You goin burn down dea big towns dat get strong wall, kill dea young guys wit swords, smash dea small kids on top da groun, an rip open da stomach a dea hapai wahines.”

Job 6:27

You guys, da kine dat even throw dice Fo buy kids dat no mo faddah fo make um come yoa slaves. You trade yoa frenz fo all kine stuffs cuz you no give a rip.

Songs 137:8

You Babylon peopo, Garans you goin come all bus up. If somebody punish you Fo wat you wen make to us guys, Us like God make dem Stay good inside!

Songs 137:9

Anybody go grab yoa kids An smash um on one cliff side, Us like God make dem Stay good inside!

Songs 149:8

Dass dea job, Fo catch da odda peopos king guys, An tie um up wit chains, An put iron kine leg chains On top all da leada guys Dat da odda peopos get respeck fo.

Isaiah 13:16

Da army guys goin kill dea bebes in front dem, An steal all da stuffs inside dea houses, An rape dea wifes.

Isaiah 13:6

“You Babylon peopo, Cry an yell cuz you feel sore inside, Cuz Da One In Charge, his day stay come nea! Da God Dat Get All Da Powa, He goin wipe out da bad guys.

Isaiah 19:4

I goin turn ova da Egypt peopo To one mean boss. One strong king goin take charge a dem.” Dat word come strait from Da One In Charge, Da Boss, Da God Ova All Da Armies!

Isaiah 20:4

So da king fo Assyria goin take da prisonas from Egypt an Sudan outa dea country naked an barefeet. No matta dey young o ol, dea okole an dea olos goin show, an dat goin make da Egypt peopo come shame.

Sad Song 2:19

Wake up! Yell loud nite time, Wen da watcha guys start fo call. Pour out eryting inside you, jalike watta in front da Boss. Lif up yoa hands an pray to him, fo yoa kids no mahke! Dey stay hungry, so dey pass out at ery street corna.

Sad Song 4:1

Bummahs! Oua bestes peopo stay jalike gold dat no shine no moa, Jalike pure gold dat no worth notting! Da jewelry stones from da Temple Stay scatta all ova da streets.

Ezekiel 29:7

Wen da Israel guys lean on you, da suga cane stalk, you broke into plenny splintas an rip open dea armpits cuz dey like use um fo one crutch. Wen da Israel peopo lean on top you guys, you broke, an dey get real bad back pain.

Hosea 13:16

Da Samaria peopo gotta get punish, Cuz dey wen go fight me dea God. Dey goin get kill wit swords. Odda peopos goin throw da Samaria small kids down Fo dem mahke on top da groun, An dose odda peopos, dey goin rip open da hapai wahines.”

Joel 3:3

An dey wen pull straw fo take ova my peopo. Dey trade da boy kine slaves fo pay da hoaz. An dey sell da girls fo come slave girls, An use da money fo buy wine Fo dem drink um.

Amos 1:13

You betta lissen! Dis wat Da One In Charge tell: “Ova an ova, da Ammon peopo wen go agains me. Az why, no way I goin let um go an no punish dem! Gilead side, dey even wen rip open da hapai wahines Jus fo dem take ova mo plenny land.

Obadiah 1:11

Had one time, you guys jus stan far an look. Dat time, guys dat nobody know take away rich kine stuffs from da Jacob peopo. An guys from anodda place go inside Jerusalem An pull straw fo who goin take wat stuff from da big town. Dat time you guys do bad stuff, Jalike you one a dem guys from anodda place, Cuz you neva do notting fo help da Israel guys!