Nahum 2:11 - Hawaii Pidgin Bible

¹¹ Befo time, Nineveh stay jalike one cave Wea da strong lions live, Wea dey feed dea bebes, Wea da lion an da wahine lion go, An dea bebes no need stay sked a notting. But wea Nineveh stay now?

Nahum 2:11 ပူးပေါင်းရင်းမြစ်များ

Start 49:9

Judah, he jalike one young lion. He come big cuz he kill meat fo eat. Jalike da lion, he lay on top da groun, Ready fo jump an kill all da animals. Jalike da lion, no mo nobody goin make um stan up!

Isaiah 13:7

Cuz a dis, all da Babylon peopo goin come weak An lose fight.

Isaiah 31:4

Dis da ting Da One In Charge tell me: “Jalike how da lion make noise Wen he catch one sheep, An jalike peopo call plenny sheep guys Fo come help dem catch da lion, But da lion, he no sked dem. He no kea dat dey stay yell, No bodda him dey make big noise. Same ting, wen Da One In Charge, Da God Ova All Da Armies, come, He goin come down an fight, An no sked, jalike da lion, On top da hill wea da Temple stay.

Isaiah 5:29

Da army guys make big noise jalike da wahine lion. Dey grab eryting, Jalike da lion make noise wen he grab one animal An carry um away An no mo nobody can bring dem back.

Jeremiah 2:15

Da ones dat stay agains da Israel peopo, Dey make big noise wen dey go afta dem, Jalike da lion make noise wen he start fo hunt. Da ones dat stay agains da Israel peopo wase da land. Dey make dea towns come one junk pile, An no mo nobody live dea no moa.

Jeremiah 4:7

“Get one guy, Jalike he one lion dat come outa da place he hide. His army guys goin wipe out plenny peopos. Dey wen go way from dea place Fo come wase yoa land An make erybody come bum out. Yoa towns goin come all bus up Cuz no mo nobody goin stay ova dea.

Jeremiah 50:17

“Da Israel peopo, dey stay run all ova da place Jalike sheeps an goats wen da lions chase um. Da firs lion fo eat um was da Assyria king. Da nex lion was Nebukadnezzar da Babylon king. He grind da meat off dea bones.”

Jeremiah 50:44

Wen dat odda army come, goin be Jalike wen one lion come up From da bushes nea da Jordan Riva, An go one place wea get plenny grass an plenny sheeps. I goin chase da Babylon peopo outa dea land real quick. Who da guy I wen pick fo give um dat kuleana? Who da same jalike me? Who can tell me wat fo do? Da sheep guy no can handle dis lion, An dis lion, az me!

Ezekiel 32:2

“Eh! Fo Real Kine Guy! Sing one funeral kine song bout Pharaoh, da Egypt king. Tell him: “Mo den all da diffren peopos, You was jalike one lion! But now, you all bus up! You mo jalike one sea monsta from da ocean! You splash plenny watta in yoa Nile Riva channels. You step all aroun da riva an make um dirty. Az why da watta come muddy inside all da streams.

Joel 2:6

Wen da nations spock um, dey come real sked. Dea peopo no can handle!

Micah 5:6

Dey goin take ova da Assyria land wit dea swords. Dey goin take ova da town gates Inside da land dat Nimrod wen make his land. Wen da Assyria guys march inside oua land, Oua leada guy goin win!

Nahum 2:12

Da strong lion wen kill enuff food fo da bebes, An enuff fo da muddah lions. Dey fill up dea cave wit da animals dey wen kill. Az jalike how da Nineveh peopo wen stay.

Nahum 3:1

Bummahs! Fo da big town wea dey kill plenny peopo. Da town wea all dea peopo bulai plenny! Dey rip off odda peopo an stash dea stuffs! Dey erytime bus up plenny peopo!

Zefaniah 3:3

Dea leadas, dey jalike da lions dat make big noise. Da govmen guys, dey jalike da wild dogs dat hunt wen almos dark. Dey eat up eryting, So no mo notting dea, morning time.

Census 23:24

Look! Da peopo stan up jalike da wahine lion. Dey get ready jalike da lions, Dat no res till dey eat wat dey catch, An drink da blood.”