Nahum 2:10 - Hawaii Pidgin Bible

¹⁰ Da army guys goin rip off all da Nineveh peopo stuffs fo shua! Da Nineveh peopo lose fight an come bum out. Dey stay sked an shaking. Erybody look sked.

Nahum 2:10 ပူးပေါင်းရင်းမြစ်များ

Start 1:2

Da world come so no mo notting inside, no mo shape notting. On top da wild ocean dat cova eryting, neva had light notting. Ony had God Spirit dea, moving aroun ova da watta.

Songs 22:14

My life, jalike all pau awready, Jalike you dump watta on top da groun. All da bones inside my body, all hamajang. I feel jalike I stay melting inside, Jalike sof wax.

Isaiah 14:23

“I goin make Babylon town come jalike da boonies, One place wea da heron bird live inside da swamp. I goin wipe out Babylon town, Jalike I sweep um wit one broom.” Az how goin be, Da One In Charge, Da God Ova All Da Armies, tell.

Isaiah 21:3

Wen I hear dis, I come plenny sore inside An I move my body. Da pain stay grab me, Jalike wen one wahine start fo born one bebe. I stay all mix up an no can figga Cuz a wat I wen hear. Bodda me plenny an make me sked, Wat I wen see.

Isaiah 24:1

Da One In Charge, he stay ready fo wipe out da whole world An make um come empty! He goin change da mountains an valleys An all da peopo goin go all ova da place.

Jeremiah 30:6

Tink bout dis— You tink one guy can born kids?! Den how come I see ery strong guy Wit his two hand on top his opu, Jalike one wahine dat goin born one bebe?! An erybody face come real white?!

Jeremiah 49:23

Dis wat Da One In Charge tell bout da Damascus peopo: “Hamat town an Arpad town, Da peopo dea donno wat fo do. Cuz dey wen hear bad kine stuff Bout wat wen happen Damascus side. Dey all bodda inside cuz a dat. Dass why dey stay nerjus, Jalike da ocean dat no can stop go up an down.

Jeremiah 51:62

Den tell, ‘Da One In Charge, you da One wen tell dat you goin wipe out dis place! Da peopo an da animals no goin live hea no moa! Ova hea goin stay all wipe out foeva!’

Jeremiah 8:21

Da peopo I love, dey all bus up. Az why me too, I stay all bus up inside. I stay real bum out an real sked.

Ezekiel 21:7

Wen dey tell, ‘How come you stay moaning?’ you goin tell, ‘I stay moaning cuz a da bad kine stuff I stay hear. Erybody goin lose fight. Dea hands goin come weak. Inside, dey all goin give up, an dey goin piss dea pants cuz dey sked. Bad kine stuff goin happen fo shua!’ ” Az wat me Da One In Charge, da Boss, tell.

Ezekiel 31:15

“ ‘Dis wat Da One In Charge, da Boss, tell: Dat same day da big tree fall down inside da Mahke Peopo Place, I stop da deep undagroun streams an make um moan jalike dey stay sad inside wen somebody mahke. I hold back da streams an da odda wattas dat tree drink. Cuz a dat, I make Lebanon come real bum out cuz all da fores trees come dry.

Daniel 5:6

His eyes come real big, an he come real sked. His knee stay knock togedda, an he come real weak an he stay shake an he no can tink good.

Joel 2:6

Wen da nations spock um, dey come real sked. Dea peopo no can handle!

Nahum 2:2

Get guys dat like wipe out da peopo dat come from Jacob An wen wase um awready. Jalike wen peopo pull off branches from one grape vine. But Da One In Charge goin make da Israel peopo Come awesome one mo time.

Nahum 3:7

Erybody dat see you Nineveh peopo Goin run away from you an tell, ‘Nineveh stay all bus up! No mo nobody goin stay sad bout Nineveh!’ No can find nobody goin make you guys feel mo betta inside!”

Zefaniah 3:6

Da One In Charge tell: “I wen wipe out plenny peopos. Dea big towns dat get strong wall stay all bus up. No mo nobody stay inside dea streets. No mo nobody go thru dea. Dea big towns stay all wipe out. No mo nobody stay dea.

Joshua 2:11

Wen we hear dat, us lose fight, an no mo nobody like do notting agains you guys. Cuz yoa God, Da One In Charge, he da ony God in da sky up dea an on top da earth down hea.

Joshua 7:5

Da Ai guys chase um from in front da town gate an down da hill, to da place wea dey cut stone blocks. Dey kill bout thirty-six a da Israel guys. Den da odda Israel guys come bum out an lose fight, jalike dea heart come weak.