Nahum 1:8 - Hawaii Pidgin Bible

⁸ But he goin wipe out da Nineveh peopo, Jalike wen one big flood come. He goin chase da peopo dat stay agains him, An make dem run inside one dark place.

Nahum 1:8 ပူးပေါင်းရင်းမြစ်များ

Job 30:15

Skery tings come all ova me. Jalike da wind blow way all da respeck peopo wen get fo me. All da good kine stuffs I get, gone awready jalike one cloud.

Job 40:11

Show wat kine powa you get wen you come huhu! Look at all da big head guys an make um come shame!

Smart Guys 4:19

Fo da peopo dat stay do bad kine stuff, Da way dey go, jalike stay real dark yet. Dey donno wat make dem fall down.

Isaiah 13:10

Da stars in da sky an da kine pichas dey make Dey no goin get light dey make. Da sun goin come up dark. Da moon no goin get light.

Isaiah 13:9

“Look! Da One In Charge, his day stay come fo judge da peopo! Wen dat happen, he no goin give chance notting. He still stay huhu, An he had it wit da bad kine stuff peopo do. He goin make da land wea no mo notting dea, An goin wipe out all da peopo dea dat stay do bad kine stuff.

Isaiah 28:17

Fo tes you Jerusalem peopo, I goin look fo see if you stay judge da right way An if you do wass pono erytime, Jalike da builda guys use one strong string Fo measure tings, An dey pull anodda string Fo check out if da building stay strait. You guys tink you can bulai da Assyria army guys Fo dem no hurt you. You tink you get one place fo hide Wen da army guys come Jalike da big watta. But no way you can bulai dem! No mo no place you can hide!

Isaiah 28:18

Da deal you guys wen make fo no mahke, No goin be awready! Da promise somebody wen make to you guys Fo no go da Mahke Peopo Place, No goin work! Wen da army guys come thru dis place, No ways you guys even can stan up, Jalike wen da big watta come!

Isaiah 28:2

But you know wat?! My boss get da Assyria army, Dat stay real strong wit plenny powa. Dey stay jalike one rain storm dat fall down wit ice, One real strong wind dat wipe out all da plants, One storm dat make da watta come up all ova da place, Wit plenny powa fo throw down da big town.

Isaiah 8:22

Dey goin look at da land, but dey ony see hard time dey goin get ova dea, jalike one dark time dat goin come, jalike da peopo get plenny presha an no can see notting, jalike somebody goin throw um all outside, inside da dark.

Jeremiah 13:16

Tell erybody right now Dat yoa God, Da One In Charge, stay awesome. Cuz if you wait, Da One In Charge goin make you guys come bum out, Jalike he goin make eryting come dark fo you, An jalike he make you guys trip an fall down on top da mountains Wen come litto mo dark. You guys stay wait fo light come, But Da One In Charge goin make eryting come real dark Jalike you stay inside one skery big black cloud.

Jeremiah 51:64

Den tell, ‘Az how Babylon goin go down an no come back up no moa, cuz a all da bad kine stuff I stay ready fo make happen to dem. An dea peopo goin lose fight.’ ” Az all da messages Jeremiah wen tell. Dass it, pau awready.

Ezekiel 13:13

“Cuz a all dat, Da One In Charge, da Boss, tell dis: Cuz I stay real huhu an tell ‘Laytas’ to wat you guys do, I goin make storm winds, an hail, an da rain dat make flood, come down an wipe you guys out.

Daniel 11:10

Da Syria king boys goin make ready fo make war, an put togedda one big army dat know how fo fight good. Dey goin attack da king fo da south, jalike one big flood dat nobody can stop. Dey goin fight all da way to da main place dat get strong wall wea da Egypt king stay.

Daniel 11:22

Den he goin wipe out one mangus army, an take da powa from da pries guy dat stay in charge a da deal God wen make wit his peopo.

Daniel 11:40

“Wen dat time pau, da Egypt king south side goin try fo push back da Syria king north side. But da Syria king guys goin wack da Egypt king guys jalike one big hurricane, wit war wagons, horse rida guys, an plenny boats. Dey goin attack plenny diffren lands an go thru dem jalike one big flood.

Daniel 9:26

“Afta da sixty-two times seven year, somebody goin kill da one dat God wen pick. He no goin get nobody his side. Goin get one leada dat goin come wit his army. Dey goin wipe out Jerusalem town an da Temple dat stay spesho fo God. Den da end goin come quick, jalike wen one flood come. Goin get war till da end, an erybody goin bag an eryting goin come wipe out.

Amos 8:8

So, wat? You tink da groun goin shake Cuz a all dat bad kine stuff? Fo shua, goin shake! You tink erybody dat live inside dat land Goin cry plenny? Fo shua, dey goin cry plenny. Da whole land goin move up an shake An den move back down Jalike da Nile Riva, Egypt side.”

Nahum 1:1

Da One In Charge show Nahum from Elkosh town someting jalike one dream, bout wat goin happen to da Assyria peopo dat live Nineveh town.

Nahum 2:8

Nineveh town jalike one pool dat leak all da time, An da peopo jalike da watta dat run out. But now, peopo yell, “Stop! Stop!” But no mo nobody turn aroun an come back.

Zefaniah 2:13

An Da One In Charge goin use his powa agains da peopo north side too. He goin wipe out da Assyria peopo. Wen he pau, dea main town Nineveh goin stay wasted An all dry jalike da boonies.

Matthew 7:27

Da rain come, da riva flood, an da wind come from all ova da place an poun da house hard. Az da house dat fall down an come wipe out!”

Matthew 8:12

But goin get odda guys fo God suppose to be dea King, but dey no like um be dea King. An den he goin throw um outside inside da dark. Ova dea dey goin cry plenny an grind dea teet cuz dey so huhu an futless.”

1 Samuel 2:9

He goin take kea his spesho peopo, wea eva dey go! But da bad kine peopo, dey goin mahke An stay one dark place. “An if one guy come strong, Da powa dat he get, you know, Neva come from inside him. Come from Da One In Charge!