Nahum 1:12 - Hawaii Pidgin Bible

¹² Dis wat Da One In Charge tell: “No matta da Assyria guys plenny peopo An get plenny frenz, I goin cut um down. No matta I wen punish you Judah peopo, I no goin do dat one mo time.

Nahum 1:12 ပူးပေါင်းရင်းမြစ်များ

2 Kings 19:35

Dat same day, nite time, one angel messenja guy from Da One In Charge go out inside da Assyria army camp. He kill 185,000 guys inside dea. Wen da Assyria guys dat no mahke get up da nex morning, get all da mahke bodies all ova da place!

2 Kings 19:37

Laytas, Sennakerib stay pray inside da temple fo his god Nisrok. Wen he go down in front Nisrok, his boys Adrammelek an Sharezer kill him wit dea swords. Den dey run away to da Ararat land. An Sennakerib odda boy Esarhaddon come da nex king.

Outa Egypt 12:12

“Dis wat I mean: Dat nite, I goin pass ova da Egypt land, from one side to da odda side. Ery numba one boy dat live inside da land, I goin kill um. Da peopo an da animals, same ting. Dass how I goin show proof to da Egypt peopo dat all da gods dey pray to, dey notting, cuz me Da One In Charge!

Isaiah 10:16

Cuz a dat, Da One In Charge, da Boss, da God Ova All Da Armies, He goin make da big Assyria army guys Come sick an skinny, An come mo an mo weak jalike get feva. Fo shua, God goin light one fire Dat goin burn up all da awesome stuff Dat da Assyria king wen get.

Isaiah 17:14

Bummahs! Sun down time we all sked. But befo da morning time, Dis wat happen: Da guys dat like steal oua stuffs An take eryting, Dey no stay no moa.

Isaiah 30:19

Cuz you peopo dat live inside Jerusalem town, You no goin cry no moa. Wen you guys yell to Da One In Charge fo help you, He goin do um. Fo shua he goin do good tings fo you. He goin hear you guys, An right den an dea he goin help you.

Isaiah 31:8

“God goin use one sword dat peopo neva make Fo kill plenny Assyria guys. He goin use one sword dat neva come from dis world An dat goin wipe um out. Da Assyria army guys goin run away from dat sword. Odda peopo goin take da young guys from Assyria away An make um work fo dem.

Isaiah 37:36

Den one angel messenja guy from Da One In Charge go out fo fight. He kill 185,000 army guys inside da Assyria camp. Wen da odda peopo ova dea get up early da nex morning, get plenny mahke bodies all ova da place!

Isaiah 51:22

Dis, one spesho message from Da One In Charge a you guys, From yoa God, da one dat stay help his peopo: “Look! Now I take away yoa trouble. Befo time, I wen make you guys suffa plenny Cuz I stay huhu wit you guys. Jalike I make you guys drink da wine From inside one bowl, An you no can walk good cuz a dat. But you guys no goin get dat kine trouble From me no moa. No way you goin drink from dat wine bowl Again, no moa.

Isaiah 7:20

Dat time, you guys goin pay da king fo Assyria, fo his army come from da odda side a da Eufrates Riva fo help you guys. But wen dey show up, dey goin rip off eryting you guys get. Goin be jalike Da One In Charge stay use one razor fo cut off all da hair from on top yoa head an legs, an even yoa beard, an you goin come shame.

Isaiah 8:8

“Wen da armies come, Goin be jalike one big riva stay run fas thru da Judah land, Dat go all ova da land Till da watta come up to da neck! Wen da armies come, Goin be jalike one big bird come flying, An da wings cova yoa whole land. Immanuel!

Daniel 11:10

Da Syria king boys goin make ready fo make war, an put togedda one big army dat know how fo fight good. Dey goin attack da king fo da south, jalike one big flood dat nobody can stop. Dey goin fight all da way to da main place dat get strong wall wea da Egypt king stay.

Joel 2:19

Da One In Charge goin ansa his peopo lidis: “Lissen up! I goin sen wheat an barley, new wine, an olive oil fo you guys, Enuff fo you guys come full. I no goin let da odda peopos talk bad bout you guys no moa.

Nahum 1:15

Look ova dea on top da mountains! One guy stay come, Dat bring good kine stuff fo tell. He tell dat da peopo can res an no fight! You Judah peopo, make yoa spesho religious ceremonies now. Do wat you wen make one strong promise fo do. Da no good kine guys no goin attack you guys no moa! Dey goin come all wipe out!

Jesus Show 7:16

Dey no goin eva come hungry o thirsty one mo time! Dey no goin eva get burn from da real hot sun no moa!