Micah 7:9 - Hawaii Pidgin Bible

⁹ I gotta hang in dea now, Cuz Da One In Charge stay huhu an goin punish me, Cuz I wen do bad kine stuff agains him. But afta dat, he goin talk fo me in front da judge, An make right all da bad kine stuff Dat da guys dat stay agains me wen do. Jalike he goin bring me out wea get light, An I goin see dat he stay do wass right.

Micah 7:9 ပူးပေါင်းရင်းမြစ်များ

2 Samuel 24:17

Wen David see da angel dat stay kill da peopo, he tell Da One In Charge, “Eh! I da guy dat wen do dis bad kine ting! I da one wen do wass wrong! But dese guys, dey jalike sheeps! Dey neva do notting bad! Mo betta punish me an my braddahs an sistahs!”

Job 23:10

But still yet, he know wat way I pick. Wen he tes me, I goin come jalike pure gold.

Job 35:14

“Az why, Job, even mo God no goin lissen, Wen you tell dat you no can see him! An he da judge dat goin tell if you right o wrong, An you gotta wait fo him.

Songs 119:154

Back me up an tell da judge fo let me go. Let me stay alive, Jalike you wen promise fo do.

Songs 37:6

He goin shine da light On eryting you stay do dass right Fo make shua erybody know dis. An God goin show you do da right ting In front him, da judge. An dass jalike wen can see eryting Real good wen da sun stay strong.

Songs 43:1

Eh God! You da judge Fo show erybody dat I okay. I need fo you show proof Dat I neva do notting bad. Cuz da whole nation, Dey no stay tight wit you! I need fo you rescue me Away one place Wea dey no can hurt me. Away from da ones dat stay bulai An do bad tings to me.

Songs 7:6

Eh! You Da One In Charge! Do someting! Get mad an stan up fo fight! Da guys dat stay agains me, Dey all huhu, so go afta dem! Do someting fo help me, You da judge dat tell wass right!

Songs 94:15

Den bumbye, da judge guys Goin judge da right way, An cuz a dat, All da peopo dat stay pono inside, Dey goin do eryting da right way too.

Isaiah 42:16

I goin take da guys dat no can see On top one road dey neva know befoa. I goin show um wea fo go No matta dey donno da way. No matta stay dark all aroun dem, I goin shine light come in front dem. I goin make da rough kine place come smooth. All dese tings, I goin do um. I no goin leave dem.

Isaiah 42:7

Wen I tell ‘light,’ dis wat I mean: Jalike you goin open da eyes Fo peopo dat no can see, Jalike you goin take out da peopo Inside one prison unda da groun, Da ones dat stay inside one dark place.

Isaiah 46:13

I stay do wass right erytime, An I goin come nea you! I no stay far. I no goin wait long time Fo get my peopo outa trouble. On top Mount Zion I goin get da Israel peopo outa trouble, An dey goin tell peopo how awesome I stay.

Isaiah 51:22

Dis, one spesho message from Da One In Charge a you guys, From yoa God, da one dat stay help his peopo: “Look! Now I take away yoa trouble. Befo time, I wen make you guys suffa plenny Cuz I stay huhu wit you guys. Jalike I make you guys drink da wine From inside one bowl, An you no can walk good cuz a dat. But you guys no goin get dat kine trouble From me no moa. No way you goin drink from dat wine bowl Again, no moa.

Isaiah 56:1

Dis wat Da One In Charge tell: “Make shua da judges fo you guys Stay judge da peopo da right way. All you guys, do da right ting erytime. Cuz litto bit mo time now, I goin get you guys outa trouble, Fo show erybody dat I do da right ting erytime.

Jeremiah 10:19

Da Jerusalem peopo yell: “Bummahs! I stay sore big time! Wea dey wen wack me stay mo worse. But I tink, ‘Fo shua, dass how sick I stay, An I gotta try handle.’

Jeremiah 14:7

Den dis how us guys pray: “I know us guys wen do wass wrong, An az why all dis stuff happen. You Da One In Charge. Try do someting fo show wat kine god you, Cuz us guys wen run away from you An do plenny bad kine stuff agains you.

Jeremiah 51:10

Da One In Charge wen make erybody see Dat us Israel an Judah guys get um right wit him. Go come, we go tell da Israel an Judah Guys story Jerusalem side, Wat oua God, dass Da One In Charge a us, wen do.”

Sad Song 1:18

Da Jerusalem peopo tell: “Da One In Charge do da right kine ting erytime. But I wen go agains wat he tell me fo do. Lissen, all you peopos! Look how I suffa. My young guys an wahines Wen come prisonas an go one far place.

Prieses 26:41

An fo me, fo shua all dat make me stay piss off wit dem too. Az why I sen dem inside da land a da peopo dat stay agains dem. Dey neva like lissen me. But wen dey start fo tink dey notting, an dey tell az okay fo me punish dem cuz a da bad kine stuff dey wen do,

Malakai 3:18

Den you guys goin see jalike befo time, da peopo dat stay do wass right, dey stay diffren den da peopo dat stay do wass wrong, an da peopo dat work fo God stay diffren den da peopo dat no work fo God.”

1 Corint 4:5

So, no make jalike you guys da judge fo odda peopo. Wait till Da One In Charge come back. He da One goin bring out in da light all da bad kine stuff da peopo try hide in da dark. He goin show all da tings dat dey tink inside dem. Den God goin talk good bout da good tings erybody do.

2 Timoty 4:8

Now, ony get one ting I stay wait fo get—dass da spesho medal fo da winna, dat Da One In Charge goin give to all da peopo dat do da right tings. He da Judge, an he do eryting da right way. Wen da right time come, he goin give me da spesho medal fo da winna. Not ony fo me, but fo all da odda peopo dat get love an aloha fo Da One In Charge, an fo real like him come back. Den he goin give dem dea spesho medal too.

Jesus Show 18:20

Den I hear dis: “Eh! All you peopo dat stay wit God inside da sky, Stay good inside bout wat wen happen! God spesho peopo, an da guys dat God wen sen all ova, An da guys dat talk fo God, Stay good inside! Da Babylon peopo wen make any kine to you guys, But God wen come fo judge dem!”

1 Samuel 24:15

I like Da One In Charge be da judge fo tell if you stay right, o I stay right! He can tell who get da blame. I like him tink bout wat I stay do. I like him tell erybody dat I not da one fo get da blame, an you, Saul, an you no mo da powa ova me.”

1 Samuel 25:39

Wen David hear dat Nabal wen mahke, he tell his guys, “Tell Da One In Charge ‘Mahalo plenny!’ He wen do one good ting fo me. Cuz wen Nabal go talk bad bout me, Da One In Charge take kea me! Cuz Da One In Charge, az my boss. He no let me do da wrong kine ting to Nabal. Da bad kine ting Nabal wen do, Da One In Charge wen pay him back awready.” Den David sen messenja guys by Abigail fo tell her he like fo her come his wife.

1 Samuel 26:10

“Jalike fo shua Da One In Charge stay alive, same way I stay shua Saul goin mahke—maybe Da One In Charge goin be da One goin take um out. O maybe da time goin come fo him mahke regula kine. O maybe he come wipe out wen he stay fight one war.

1 Samuel 3:18

So Samuel tell him eryting, an no hide notting from him. Den Eli tell, “Him, Da One In Charge. So, I like him do wateva stay good, da way he see um.”