Micah 7:7 - Hawaii Pidgin Bible

⁷ “But me, I watch fo Da One In Charge. I wait fo God cuz he goin get me outa all dis trouble. My God goin lissen me.

Micah 7:7 ပူးပေါင်းရင်းမြစ်များ

Start 49:18

Den Jacob pray lidis: “Eh! You Da One In Charge! I stay wait fo you, God, Cuz I know you goin come help me!”

Songs 109:4

No matta I show dem love an aloha, Dem guys stay agains me. But me, I ony pray.

Songs 130:5

I stay wait, cuz I know Da One In Charge goin do someting. I know wat he tell, an dass why I stay wait fo him help me. An dass why I can hang in dea An trus him.

Songs 25:5

Show me how fo live da true way, An teach me stuff I need fo know. Cuz you da God fo me, Da One dat get me outa trouble. All da time, I know fo shua you goin help me. Az why az okay fo me wait.

Songs 37:7

No tell notting, jus wait In front Da One In Charge. Hang in dea, an wait Fo Da One In Charge take kea you. No come huhu if some odda guy Stay make plenny money An no let um bodda you Wen da peopo make One no good kine plan an do um.

Songs 38:15

Eh! You Da One In Charge! I make lidat, Cuz I stay waiting fo you do someting! Eh God! You da Boss fo me, Az why you da one gotta do someting!

Songs 50:15

Erytime you get hard time, You gotta aks me fo help you. Den I goin get you outa trouble. An you goin tell peopo How awesome I stay.”

Songs 65:2

You, da one dat lissen wen us guys pray. Az why all da peopo Goin come by you.

Songs 85:5

Goin be foeva dat you goin stay Huhu wit us guys, o wat? You goin go afta all da peopo Dat goin come from us guys bumbye Jus cuz you had it Wit da kine stuff us guys stay do, o not?

Isaiah 12:2

“Fo shua, he da God get me outa trouble. I goin trus him an no stay sked. Cuz Da One In Charge, da One make me strong An give me powa. He come awready, da One get me outa trouble.”

Isaiah 17:7

Dass da time erybody goin start fo tink Bout da God dat wen make dem. Dey goin start fo look At da One Dat Stay Spesho fo da Israel peopo.

Isaiah 25:9

Dat time, peopo goin tell, “Eh! Dis, oua God, fo shua! We wen trus him, An he wen get us outa trouble! Dis Da One In Charge, da One we trus. Now, us guys can dance an sing, An stay feel real good inside Cuz he wen do dat.

Isaiah 45:22

“All you peopo from da mos far places all ova da world, Turn aroun an come by me Fo me get you guys outa trouble, Cuz I God. No mo anodda god, ony me.

Isaiah 8:17

Az why I goin wait, cuz I stay shua Da One In Charge goin come. Right now, he stay cova his face so da Jacob ohana peopo no can see him. But me, I goin stay wait fo him.

Sad Song 3:24

I figga, “I get Da One In Charge fo my share, so I no need notting moa. Az why I goin wait fo him fo help me.”

Daniel 3:17

If yoa guys throw us guys inside da real hot fire, da God we work fo can get us outa dea, an he goin get us guys outa yoa powa, King Nebukadnezzar.

Hosea 12:6

You guys, gotta go back by yoa God. Stay tight wit him, an do da right kine tings. Erytime trus yoa God an wait fo him.

Joel 1:19

Da One In Charge, you da one I yell to fo help! Cuz da fire wen burn up da grass inside da boonies, An burn all da trees country side.

Habakkuk 2:1

I goin go stan on top da place Az my kuleana fo guard. An stay dea on top da Jerusalem town wall. I goin watch dea fo find out Wat Da One In Charge goin tell me, An how I can ansa him, Cuz I wen tell him az not good wat he stay do.

Habakkuk 2:3

Wat I goin show you, Gotta wait fo da right time. Az da trut bout da end. No matta how slow, wait fo um. Goin happen fo shua, but not late. Goin come wen come.

Census 5:28

But if da wahine no stay pilau inside an can go in front Da One In Charge, she no goin come hurt, an she can born kids.