Micah 7:5 - Hawaii Pidgin Bible

⁵ No lissen da guy dat stay close to you. No trus yoa fren. Watch out bout wat you tell, Even to yoa wife.

Micah 7:5 ပူးပေါင်းရင်းမြစ်များ

Songs 141:3

Eh! Da One In Charge, I like you make shua Notting bad come outa my mout! Proteck eryting I tell.

Songs 38:14

I tink mo betta I no hear notting, An I no ansa dem notting.

Songs 41:9

Even my bestes fren, Da guy I wen trus plenny, Da guy dat stay an eat at my house Befo time, Even him wen go agains me!

Jeremiah 9:3

Dis da message from Da One In Charge: “Dey get dea mout ready fo bulai, Jalike how you make one bow ready fo shoot arrows. An cuz dey bulai an you no can trus um, Az how dey win inside da land. Dey do one bad kine ting, an den anodda bad kine ting. But me, Da One In Charge, dey donno who me!”

Jeremiah 9:4

Da One In Charge tell, “You guys betta watch out fo yoa frenz! No trus yoa braddah guys. Cuz ery braddah like take away da rights from da odda braddahs. An ery fren, dey like talk bad bout you.

Sad Song 1:2

Jerusalem jalike one wahine dat stay cry real hard nite time. Get tears all ova da cheeks. Jalike befo time get plenny guys dat get love an aloha fo her, But now, no mo nobody fo make her feel mo betta. Jalike all her frenz sell her out. Jalike dey go agains her.

Matthew 10:16

“You know, I stay send you guys out jalike sheeps, an you guys goin go wea da wild wolfs stay. So you guys gotta figga wat fo do, jalike da snakes, an no hurt nobody, jalike da doves.

Local Leadas 14:17

She cry fo all da seven days wen dey make da luau. So da day numba seven he tell her wat da riddle mean, cuz she stay put presha on him. Den she tell her peopo wat da riddle mean.