Micah 7:19 - Hawaii Pidgin Bible

¹⁹ You goin take us back one mo time, Cuz you get love an pity fo us. You goin hemo all da bad kine stuff we wen do, Jalike you goin throw all da bad kine stuff us guys wen do Down inside da mos deep ocean.

Micah 7:19 ပူးပေါင်းရင်းမြစ်များ

2 Samuel 24:14

David tell Gad, “Bummahs! Dis hard fo me an I real sad inside! Mo betta Da One In Charge punish me how he like! Cuz he stay show us guys plenny pity awready! Mo betta da peopo not da ones fo punish me!”

Songs 103:12

You know how far Da place da sun come up To da place da sun go down? Dass how far God Wen awready take away da shame Fo da tings us guys wen do agains him!

Songs 130:8

Goin be Da One In Charge Dat do wat he gotta do, Fo hemo da shame From da Israel peopo Fo all da bad stuff dey stay do.

Songs 85:3

Now you no stay huhu Wit us guys no moa. You pau go afta us Jalike you still mad.

Isaiah 33:24

Dat time, nobody dat live Jerusalem town Goin tell, “I stay sick!” God goin take away da shame Fo da bad kine tings dey wen do From erybody dat live dea, An let um go.

Isaiah 38:17

Fo shua, if I neva suffa plenny, Notting come good fo me afta. You get plenny love an aloha fo me. Az why you neva let me go Inside da Deep Dark Hole, an mahke. You wen take all da bad kine stuff I wen do, An put um behind yoa back.

Isaiah 43:25

“Me, Da One In Charge. I da One dat let you go Fo show wat kine god me, No matta you go agains me. I no tink no mo bout all da bad tings you wen do.

Jeremiah 31:20

But Da One In Charge tell: “Da Efraim peopo, dey my kids dat I love! Dey my kids, an dey make me feel good inside. I grumble bout dem plenny times, Still yet, I no foget dem even litto bit! Az why I stay sad inside Cuz I miss dem plenny. I get plenny love an pity fo dem.” Az wat Da One In Charge tell.

Jeremiah 31:34

One guy no need teach his fren O his braddah no moa, an tell um, ‘Know Da One In Charge.’ Cuz dey all goin know me, Da One In Charge, From da kine guys dass not importan, to da kine guys dass importan.” Az wat Da One In Charge tell. “Cuz I goin let um go fo da stuffs dey wen do wrong, An hemo dea shame fo all dat. I no goin even rememba da bad kine stuffs dey wen do.”

Jeremiah 33:8

I goin hemo dea shame an wash um clean inside, fo dem no mo blame fo da bad kine stuff dey wen do agains me.

Jeremiah 50:20

Da One In Charge tell: “Dat time, Peopo goin try fo find stuff dat da Israel peopo get da blame fo, An dey no goin find notting. Dey goin look fo bad kine tings da Judah peopo do, An dey no goin find notting. Cuz I goin let go da peopo dat I let stay alive, An hemo dea shame.”

Sad Song 3:22

Da One In Charge, he stay tight wit us guys foeva! Da tings he do fo show pity fo us guys, goin be lidat foeva!

Sad Song 3:32

No matta he make us suffa, He goin show aloha an pity too, Cuz he stay real tight wit his peopo!

Ezekiel 18:22

I goin foget da bad kine stuff dey wen do befo time. Cuz dey wen do da right kine stuff, dey goin get da real kine life.

Ezekiel 39:29

I no goin hide from dem no mo cuz I goin give da Israel ohana peopo my Spirit, jalike I pour watta on top dem. Az wat me Da One In Charge, da Boss, tell.”

Daniel 9:24

“Seventy times seven year, az da time God wen make fo yoa peopo an fo yoa town dat stay spesho fo God: fo make da peopo dat go agains God stop, fo make da ones stay do bad kine stuff stop, fo make sacrifice, fo make da peopo dat do wass wrong come pono wit God, fo make dem do da right kine stuff all da time, fo put seal fo show dat wat da guy dat talk fo God dream stay fo real, an fo make da Real Real Spesho Place inside da Temple come spesho fo God one mo time.

Hosea 14:2

Come back by Da One In Charge, An tell him you sorry. Tell um: ‘Try hemo da shame fo all da bad tings us guys wen do, An let us guys go! Lissen wen we pray Fo tell you we sorry. Den we goin talk good bout you, Jalike wat we tell now, az one sacrifice Dass mo betta den da bulls we kill.

Hosea 14:4

Da One In Charge tell, “I goin make dem come good, No matta dey wen tell ‘Laytas’ to me. I goin show plenny love an aloha fo dem Cuz I no stay huhu wit dem no moa.

Zekariah 3:4

Da angel guy tell da angel helpa guys dat stay stan in front him, “Take off his pilau kine clotheses.” Den he tell Joshua, “Look, I wen take away da blame awready fo da bad kine stuff you wen do. I goin put da bestes kine clotheses fo you wear.”

Rome 6:14

Fo shua, no let da bad kine stuff take ova you guys! Jus cuz you keep da Rules, dat no make you get um right wit God. Da way you guys live, you do wat you do cuz God awready do real plenny good stuff fo you guys, az why.

Rome 8:13

If you guys do wat da bad kine stuff inside you tell you fo do, fo shua kine you goin be da one get cut off from God! But if you let God Spirit give you da powa fo kill off all da bad kine stuff you do, den you goin live fo real kine.

Rules Secon Time 30:3

den wen you guys come back, yoa God, Da One In Charge, goin make tings come good one mo time fo you guys, an get love an pity fo you guys. He goin bring you guys back togedda from all da diffren countries he wen sen you guys to.

Rules Secon Time 30:6

Yoa God, Da One In Charge, goin make you an da peopo dat goin come from you bumbye, like come his peopo, jalike he goin put one mark inside you an yoa kids fo show dat you his peopo. Den you guys goin go all out fo show love an aloha fo him fo you live fo real kine.

Rules Secon Time 32:36

Da One In Charge goin be da judge Dat goin tell his peopo dey no mo da blame. He goin show love an pity fo his worka guys Wen he see dat dey no mo powa An no mo da Israel guys dea, No matta dey slave guys o not slave guys.

Titus 2:14

He wen give his life fo mahke fo us guys, fo him cut us loose from all kine pilau stuff, an from go broke God rules, an make us clean inside. He like make us his spesho peopo, dat go all out fo do wateva stay good.

Hebrews 8:12

I goin pity dem an give um chance, No matta dey wen do tings dat no stay right. An I goin foget bout Da bad kine stuff dey wen do.’ ”

1 John 3:8

Whoeva stay do bad kine stuff, dey come from da Devil. Cuz from da start, da Devil stay do bad kine stuff. Dass why God Boy wen come by us, fo bus up da bad kine stuff da Devil stay do.