Micah 7:16 - Hawaii Pidgin Bible

¹⁶ Wen da odda peopos see dat happen, dey goin come shame, Cuz dey no mo powa. Dey goin put dea hand on top dea mout Cuz dey donno wat fo do. Dey no can hear notting dat time.

Micah 7:16 ပူးပေါင်းရင်းမြစ်များ

Job 21:5

Tink bout wat wen happen to me! Dat goin make yoa jaws drop. Put yoa hand ova yoa mout cuz goin shock you!

Job 40:4

“Me, I one nobody! No ways I can ansa back you. I shut my mout!

Songs 126:2

Dat time, erytime we talk, Us laugh an yell Cuz we stay good inside. Even da peopos Inside odda countries tell, “Da One In Charge, He stay do plenny good tings Fo his peopo!”

Smart Guys 30:32

If you do stupid kine stuff An ack jalike you importan, O if you tink real hard bout how fo do someting bad, You betta stop it right now!

Isaiah 26:11

Da One In Charge, dat kine peopo no can see notting! Dey donno dat you stay put up yoa hand awready Fo use yoa powa fo punish dem! I like dey come shame wen dey look An see dat you stay go all out fo yoa peopo, An jalike you make da fire burn up an kill Da peopo dat stay agains you.

Isaiah 52:15

He goin shock erybody in plenny countries Cuz a da way he look. Cuz a dat, even da king guys Goin stay futless An no can say notting. Dey goin see stuff dat nobody tell um bout. Dey goin start fo undastan stuff dey neva hear bout.”

Isaiah 66:18

“But me, I know Eryting dey do, an eryting dey tink. I ready fo come Fo bring togedda all da diffren peopos An all da diffren languages. Wen dey come, dey goin see How awesome I stay.

Ezekiel 38:23

Dass how I goin show how awesome I stay, an how I good an spesho. I goin make shua plenny nations goin know wat kine God me cuz dey see wat I wen do. Den dey goin know dass me Da One In Charge do all dat.”

Micah 3:7

“Da guys dat tell dey see wat odda peopo no can see, Goin come shame. An da guys dat tell wat goin happen, Dey all goin lose face, Cuz God no tell dem notting dey aks um about.”

Micah 5:8

All dose guys from da Jacob ohana dat still stay alive, Dey goin stay in da middo a plenny peopos, Dey goin be jalike one lion in da middo a da wild animals inside da fores. An jalike one young lion in da middo a plenny sheeps. He wase um, an no mo nobody dea fo get um outa trouble.

Haggai 2:22

I goin throw out kings an dea thrones, an wipe out da powa dat da kings from da odda lands get. I goin wipe out da war wagons an da guys dat ride um. Da horses goin fall down an da guys dat ride um goin kill each odda.

Zekariah 12:9

Dat time, I goin start fo wipe out all da peopos dat go afta Jerusalem.

Rome 3:19

We know eryting wat da Rules From God tell, fo da peopo dat get da Rules ova dem. Dass why no can make excuse wit God. An bumbye erybody all ova da world gotta go in front God da Judge fo show dey all get da blame.

Jesus Show 11:18

Da peopos dat no trus you, Dey real huhu, But you tell ‘Laytas’ to da bad kine stuff dey do. “Time awready fo you Fo come da Judge fo da mahke peopo. An fo give yoa worka guys da good kine stuff you get fo dem Fo wat dey do fo you. Same ting you goin give to all da guys dat talk fo you, An all yoa spesho peopo, An you goin give um to da ones dat get respeck fo how you stay, Da big peopo an da litto peopo. “Time awready fo wipe out da guys Dat wipe out all da odda peopo Dat stay on top da earth!”